A COMISIÓN EUROPEA CONFIRMA AO BNG QUE GALIZA PRECISA INCREMENTAR O ESPAZO DA REDE NATURA 2000 E PRESENTAR UN PLAN DIRECTOR DE CONSERVACIÓN ANTES DE FINALIZAR 2012
A deputada Ana Miranda mantivo un encontro coa directora xeral de Natureza e Biodiversidade da Comisión Europea, Pia Bucella, coa presenza do alcalde de Ribadeo, Fernando Suárez, quen expuxo a situación da Praia das Catedrais
“Galiza está perdendo fondos comunitarios por falla de proxectos concretos”
Bruxelas, 22 xuño de 2012 .- Galiza precisa incrementar os espazos incluídos na Rede Natura 2000 e presentar un Plan Director de Conservación da mesma antes de que finalice 2012, como requisito necesario para poder acceder aos fondos de financiamento que a Unión Europea porá a disposición dos Estados para o período 2014-2020.
A Comisión Europea, representada pola titular da Dirección Xeral de Natureza e Biodiversidade, Pia Bucella, foi clara ao informar deste requisito na reunión coa eurodeputada nacionalista, Ana Miranda, e co alcalde de Ribadeo, Fernando Suárez, onde se analizou a situación da Rede Natura en Galiza e se abordou o caso concreto da Praia das Catedrais.
Na actualidade, só o 11% do territorio galego está incluído na Rede Natura 2000, mentres que a media da UE está no 18%. “Ademais desta diferencia, a maior parte dos espazos protexidos de Galiza, -Lugares de Interés Comunitario (LICs)-, carecen dun plan de xestión de usos e unha planificación que permita facer compatible a preservación ambiental coa económica, en función do grao de protección de cada caso”, explicou Miranda.
“Galiza está perdendo oportunidades de recibir fondos da Unión Europea porque o Goberno galego non presenta plans de xestión de espazos naturais que, ademais de conservar a nosa biodiversidade, podería ser unha fonte de actividade económica e de creación de emprego da que se beneficiarían, sobre todo, os veciños e veciñas do entorno desas áreas protexidas”, salientou a eurodeputada.
“Bucella, como representante da Comisión Europea, deixou claro que o plan director é un requisito fundamental para optimizar o financiamento que pode recibir Galiza desde a Unión Europea para a preservación da sua Rede Natura, a través de diversos fondos, non só os específicos vinculados ao medioambiente, -como o Programa Life-, senón tamén a través do FEDER ou do Fondo Europeo Marítimo e de Pesca (FEMP), dos que se poden beneficiar os Lugares de Interese Comunitario marítimos, como é o caso da Praia das Catedrais”, argumentou a eurodeputada.
Praia das Catedrais
Neste sentido, a reunión contou coa presenza do alcalde de Ribadeo, Fernando Suárez, quen expuxo a situación da Praia das Catedrais ante o Executivo da UE, como exemplo concreto dun espazo cualificado como (LIC) e declarado “monumento natural” polo Estado español, pero que carece dun plan de xestión de usos, “imprescindible para este lugar que é unha imaxe referencial non só para Ribadeo senón para o conxunto de Galiza”, explicou.
“A Praia das Catedrais recibe ata 6.000 visitantes ao día e supón unha fonte de riqueza fundamental para o noso Concello, polo que é imprescindible a coordinación de todas as Administración, -local, autonómica, estatal- para elaborar un plan de xestión que faga compatible a preservación ambiental co desenvolvemento económico que aporta”, salientou Suárez. “Temos problemas de masificación e de carencia de infraestruturas básicas, como un aparcadoiro suficiente ou accesos acaídos”, puxo como exemplo.
A Comisión Europea confirmou ao alcalde que un plan de xestión para a Praia das Catedrais, que recolla os servizos e instalacións que precisa, encaixaría perfectamente nas accións financiables con fondos comunitarios.
Finalmente, Miranda anunciou que o BNG, a través do Grupo Verdes/ALE propón organizar unha xornada no Concello de Ribadeo con participación de todas as Administracións implicadas, expertos e organizacións ecoloxistas para analizar a situación da Rede Natura 2000 en Galiza, e súa necesaria ampliación e planificació
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
