O BNG ACUSA AO PP DE DEIXAR DESPROTEXIDA Á FROTA DO BONITO AO NEGARLLE ASISTENCIA TÉCNICA POR UNHA CUESTIÓN “MERCANTILISTA”
Bieito Lobeira advirte que é a primeira vez na historia que esta frota fica desamparada e lembra que Galiza posúe tres buques con capacidade para realizar este traballo de apoio
Santiago de Compostela, 22 Xuño 2012.- O Partido Popular negou hoxe a asistencia naval de apoio á frota pesqueira galega na campaña do bonito, unha decisión “escandalosa” e “gravísima”, segundo o deputado do BNG Bieito Lobeira, que ademais é inédita na historia deste tipo de frota.
Durante a comisión de Pesca no Parlamento, o grupo popular votou en contra dunha proposición non de lei nacionalista que tiña por obxecto, precisamente, instar á Xunta a enviar un dos tres buques dos que dispón Galiza para estas funcións de apoio loxístico, técnico e sanitario nas costeras do bonito.
Lobeira lembrou que historicamente, a través dun convenio co antigo ministerio de Agricultura e Pesca, a Armada española dispuña de catro buques con capacidade operativa para se manteren varios meses en alta mar e con medios para para prestar apoio aos buques pesqueiros, un deles, o Chilreu, con porto base en Ferrol.
Estes catro buques, engadiu o deputado, viñan participando sistematicamente en catro campañas de longo alcance: NAFO, NEAFC, Atún Vermello (Mediterráneo) e campaña do bonito, e aos mesmos se lle sumaba un dos buques de altura do goberno galego.
O financiamento como coartada
Para o deputado nacionalista, recientes decisións como a adoptada polo goberno do Estado, pola que causa baixa a partir do 29 de Xuño o patrulleiro Chilreu, e a do goberno da Xunta, que condiciona o envío do buque de apoio galego a que o resto das comunidades do cantábrico contribúan economicamente ao seu financiamento, “deixan totalmente desamparada á frota bonitera”.
Lobeira advertiu que non se pode prescindir deste tipo de servizo por unha cuestión puramente mercantilista, malia que recoñeceu que tampouco lle sorprende moito a actitude do PP logo da reciente decisión da Xunta de chegar a cobrar polas tarefas de salvamento marítimo, “facer negocio por salvar vidas humanas”.
Para o parlamentar nacionalista, será a primeira vez na Historia que a frota do bonito fique desprotexida, algo que non acontecerá coa do atún vermello, malia ser moito menos perigosa, e será responsabilidade dun Partido Popular, dixo, que está utilizando o financiamento como coartada para evitar o envío de medios públicos á costeira do bonito.
Se vostedes defenden Galiza, eu son a duquesa de Alba
A iniciativa do BNG foi rexeitada polos votos en contra do PP, que defendeu unha proposición non de lei sobre o mesmo tema, de feito foron debatidas de forma conxunta, mais foi imposíbel chegar a acordos, pois, segundo Lobeira, “se isto é unha iniciativa de defensa de Galiza eu son a duquesa de Alba”, ironizou sobre a proposta do PP.
Limpeza fondos mariños
Por outra parte, no transcurso da mesma comisión, Lobeira preguntou polas previsións da Xunta para colaborar nas accións de limpeza de fundos mariños, que até o momento están a realizar voluntariamente distintas asociacións e colectivos, nomeadamente a Asociación de Armadores de Artes Menores de Galiza.
O deputado nacionalista salientou que é un traballo moi necesario e puxo como exemplo unha xornada de recollida nos arredores de Corcubión durante a que limparon 16 toneladas de refugallos.
O parlamentar advertiu que é a administración quen debera ser o motor deste tipo de actuacións e ofrecer apoio a quen o está a facer de forma desinteresada, “e, sen embargo, nos atopamos con que a Xunta non só non os está a apoiar senón que ademais Portos de Galiza lles está a cobrar unhas taxas”.
“Precisamos un compromiso explícito do respaldo da Consellería a estes traballos de limpeza, non máis propaganda nin anuncios de seminarios de expertos”, concluiu o deputado, ante a resposta do subdirector xeral de Mar.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
