O BNG ESIXE CLARIDADE E COMPROMISO Á XUNTA E AO ESTADO PARA GARANTIR O FUTURO DE ALCOA NA MARIÑA
Antonio Veiga criticou que a delegada Raquel Arias afirme días atrás que Alcoa terá unha tarifa eléctrica vantaxosa e onte mesmo o ministro Soria di que non hai nada feito e que todo dependerá do axuste do déficit de tarifa de 2013
“O goberno do PP e os seus representantes ou correveidiles na comarca están demostrando unha completa ineptitude fronte a este problema que ten preocupada á xente da comarca”, afirma Antonio Veiga
A Mariña, 28 de xuño de 2012. O responsábel comarcal do BNG na Mariña, Antonio Veiga, esixiu esta mañá que os responsábeis políticos do PP na provincia, na Xunta de Galiza e no Estado, aclaren as súas posicións e deixen de enganar e confundir á xente xa que non é de recibo que “o ministro Soria diga onte mesmo que non hai nada que feito nin asegurado coas tarifas eléctricas cando días atrás a delegada da Xunta en Lugo, Raquel Arias, afirmaba todo contrario e que iso estaba feito”, e á vista disto “nós pedímoslle ao presidente da Xunta de Galiza e ao presidente do Estado que aclaren cal das dúas posturas é a certa porque a xente está moi preocupada porque están en xogo 2000 empregos e o 33% do PIB de Lugo. Polo tanto pediría ao sr. Feijóo, a sr. Arias e os seus correveidiles aquí na comarca que deixen de marear a perdiz, que deixen de enganar á xente e que nos digan cal é a verdade en todo isto e cal é a vontade do PP neste asunto”.
Para Antonio Veiga o máis grave da cuestión non é “o dobre discurso que está a ter o PP en Madrid e en Galiza, senón que son incapaces de poñer enriba da mesa solucións a un problema que preocupa moito á xente da Mariña e tamén en todo Lugo pola magnitude da empresa Alcoa no tecido empresarial e como principal centro empregador da provincia. O PP está a fallar doutra maneira non se pode explicar que votasen o martes no Parlamento en contra da proposta do BNG para defender a viabilidade de Alcoa e as garantías socio-laborais dos traballadores. A iniciativa nacionalista, defendida polo deputado Fernando Branco Parga, tiña tamén como obxectivo instar ao goberno da Xunta a demandar do estado unha tarifa eléctrica para a grande industria de Galiza, a prezo reducido e con contratos de longa duración que permita a viabilidade de Alcoa no País, mais ao PP parece que isto non lle interesa”.
“A incerteza sobre a normal actividade do centro de Alcoa en San Cibrao vén motivada polos custes enerxéticos que representan entre o 35 e o 40% dos custes de produción e o remate a finais de ano do contrato singular que a multinacional mantén cunha empresa comercializadora. O remate deste contrato o 31 de decembro de 2012 conxuntamente coa aprobación do Real Decreto-Lei 13/2012 de 30 de marzo produce un encarecemento enerxético do 10% que faría moi dificultosa a viabilidade da empresa” – Afirmou Veiga. E, neste sentido, “a nada axudan as declaracións que coñecemos recentemente do Ministro de Industria, Turismo e Comercio, Sr. Soria, nas que anunciaba modificacións no marco retributivo do sistema eléctrico que, cando menos, xera incerteza para negociar un novo contrato a longo prazo e con prezos baixos como Alcoa necesita”.
Por todo isto, Veiga insistiu en que “Alcoa é de vital importancia para a Mariña e Lugo e diso temos que ser conscientes todos e todas: outra cousa é que o PP sexa incapaz de xestionar os seus recursos á fronte dos gobernos de Galiza e do Estado e poña en perigo a continuidade de Alcoa en San Cibrao, o que de pechar sería unha catástrofe sen precedentes en termos de emprego, e a marcha de Alcoa é algo que non se pode descartar, porque unha multinacional destas características, que ten centros en todo o mundo e mesmo está a abrir un centro en Arabia Saudita,decidira cesar a súa actividade en Galiza, ante a dependencia enerxética que ten a uns prezos que son dos máis elevados de Europa.”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
