A Maruxaina máis comprometida e solidaria
AS CAMISETAS E TAZAS DA MARUXAINA 2012 FORON ELABORADAS POLAS ENTIDADES SOCIAIS ASPANANE E A FUNDACIÓN EU SON
A Comisión de Festas lembra que quen merque calquera destes produtos maruxainos contribúe a una dobre axuda: a organización das festas e a labor social que desenvolven estas entidades.
San Ciprián, a 2 de agosto de 2012: A edición 2012 da festa da Maruxaina que terá lugar o sábado 11 de agosto na localidade de San Ciprián será unha das citas máis comprometidas e solidarias dos últimos anos despois de que a Comisión organizadora decidira encargar a dous entidades de interese social –o colectivo ASPANANE e a Fundación Eu Son- a confección das camisetas e das tazas oficiais.
Aqueles que adquiran algún destes produtos maruxainos estarán, polo tanto, contribuíndo a unha dobre labor positiva: por unha banda, apoiando economicamente á organización desta cita festiva e pola outra, contribuíndo á labor social que desenvolven estas dúas entidades que traballan con persoas con necesidades especiais.
CAMISETAS IMPRESAS POR ASPANANE
No caso das camisetas os encargados da súa impresión foron os membros do colectivo ASPANANE de Viveiro. Esta é a segunda ocasión na que a Asociación de Pais de Nenos e Adolescentes con Necesidades Especiais colabora coa Maruxaina elaborando as camisetas, pois xa o fixeron no 2011. Este ano ofrecen camisetas con corte feminino ou unisex, en cores branco ou negro, que reproducen a imaxe oficial deseñada polo prestixioso artista galego Xavier Magalhaes, visitante habitual da Península da Paz.
TAZAS ELABORADAS POLA FUNDACIÓN EU SON
Como novidade principal este ano tamén un colectivo social, a Fundación Eu Son de Burela, foi a encargada de elaborar as tazas nas que se recibirá a queimada da Maruxaina. Os integrantes do taller de cerámica desta Fundación fixeron unha taza en cor branca que baixo o lema “Maruxaina 2012” está a ter unha boa acollida entre os veciños e visitantes que queren apoiar e disfrutar da Maruxaina.
Dáse a circunstancia de que a Fundación Eu Son vén de recibir neste ano o recoñecemento da Xunta como “marca de artesanía de Galicia” para todos os produtos elaborados no seu obradoiro. A Fundación puxo en funcionamento xa no ano 1998 un Centro Ocupacional co obxectivo de ofrecer un servizo que permita a persoas con discapacidade intelectual alcanzar a integración laboral e a realización persoal e social. O obradoiro de cerámica foi, dende o seu inicio, a actividade principal deste Centro Ocupacional.
Despois de tantos anos de formación, a evolución das pezas que saen deste obradoiro foron mellorando en deseño e calidade. Actualmente, o obradoiro conta cun artesán e 27 persoas usuarias que son formadas nos distintos procesos de fabricación das pezas en función das súas capacidades, fomentando o traballo en equipo e que cada unha delas se sinta partícipe de cada unha destas creacións
VENDA DE PRODUTOS OFICIAIS MARUXAINOS
Os produtos oficiais maruxainos estarán á venda no mercado semanal local, no mercado extraordinario de produtos de segunda man que terá lugar este sábado, así como nos emprazamentos habituais o venres 10 de agosto e o sábado 11, día da Maruxaina. No caso das tazas tamén poden adquirirse nos principais establecementos hostaleiros que quixeron colaborar coa festa.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
