O GDR DE A MARIÑA ORGANIZA UNHA MESA REDONDA SOBRE PRODUTOS LOCAIS E MARCAS DE CALIDADE O VINDEIRO DOMINGO EN BURELA.
A cita terá lugar o domingo 5, ás 20:30 horas, na Nave de Redes, dentro da programación de Produart, a feira artesanal e ecolóxica organizada pola Fundación Expomar
O Grupo de Desenvolvemento da Comarca de A Mariña, xunto coa Fundación Expomar, organizarán unha mesa redonda arredor dos produtos locais e da súa distribución, centrando a mesma na existencia de marcas ou distincións de calidade e a súa influencia na comercialización dos mesmos.
Para esta ocasión, contarán coa presenza de José Mouriño, Xefe de Servizo de Control de Calidade Agroalimentaria e Industria da Xunta en Lugo, dunha persoa da Denominación de Orixe Faba de Lourenzá e da produtora de horta Elia Rodríguez, representante de A Sucadoira.
Segundo explica o Presidente do GDR, Anxo Martínez, “a idea é facer unha posta en común das experiencias de contar cunha marca de calidade como a Denominación de Orixe que ten a Faba de Lourenzá e trasladala a outras produtoras e produtores que se están plantexando actuacións para comercializar os seus produtos. A comercialización dos produtos do agro é un dos aspectos pendentes na cadea agroalimentaria na Mariña, polo que este é un xeito de analizar outro xeito de comercializar, baixo o paraugas dunha marca, e de darlle saída á produción.”
“O debate, ademais, pretende servir como punto de saída para acadar conclusións a respecto da comercialización de produtos que se trasladarán ao Congreso sobre Desenvolvemento Rural e o seu futuro que se celebrará os días 7,8 e 9 de novembro en Santiago de Compostela pola Asociación Galega de GDR’s”, explica Martínez.
“Desde o GDR pareceunos que a oportunidade de contar na Mariña cunha feira na que se xuntan produtores artesanais e ecolóxicos non podía deixarse pasar para esta cuestión, polo que coa colaboración da Fundación Expomar, decidimos facer esta mesa redonda para poñer en común experiencias, inquedanzas e posibles solucións á comercializacións dos produtos agrarios. Se ben, este é un primeiro paso, un punto de saída para poñer en contacto aos distintos actores da produción e da comercialización, pero non se plantexa como un punto final; xa que seguirá habendo contactos e xuntanzas para chegar a unhas conclusións que poidan ser de aplicación e de utilidade para a xente do sector e para trasladar nos debates sobre o futuro do desenvolvemento rural galego”, explica Anxo Martínez.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
