O BNG PRESENTARÁ MOCIÓNS EN TODOS OS CONCELLOS DA MARIÑA PARA QUE SE MANTEÑAN AS ACTUAIS LIÑAS DE FERROCARRIL
Antonio Veiga asegura que unhas boas comunicacións ferroviarias beneficiarían á factoría de Alcoa
Os nacionalistas chaman á participación na concentración prevista para o vindeiro día 5 en Burela para reclamar o mantemento de todas as liñas e a mellora do servizo de cercanías
A Mariña, 2 de agosto de 2012. O Bloque Nacionalista Galego participou, hoxe, nun reparto de propaganda no mercado semanal de San Cibrao coa fin de informar aos veciños e veciñas desta localidade da problemática xerada pola empresa FEVE coa supresión de diversas liñas de ferrocarril na Comarca. Durante o reparto, tamén se informou da concentración prevista para o Domingo 5 de agosto, ás 11:30 horas, no Concello de Burela para reclamar que se manteñan todas as conexións ferroviarias.
O responsábel comarcal do BNG, Antonio Veiga, insiste en que “non é casual que a empresa pública FEVE teña previsto reducir, a partir do mes de Outubro, as dúas liñas con máis usuarios, isto é, a que sae de Ferrol ás 8:10 e chega a Oviedo ás 14:30 e a que sae de Oviedo ás 7:45 e chega a Ferrol ás 14:10, o que significa, no primeiro caso, que non funcione ningún traxecto entre Viveiro e Ribadeo até as 12:19 e, no segundo, a ausencia de liñas desde 6:50 até as 14:45. Outro tanto acontece coa proposta prevista para os meses de Xuño a Setembro na que se suprime a liña que sae de Ferrol ás 10:30 e chega a Ribadeo ás 13:25 e a que sae de Ribadeo ás 14:45 con chegada a Ferrol ás 17:40. Está claro que estas decisións van na dirección de rematar cun medio de transporte fundamental para a vertebración da Comarca, tanto na perspectiva do transporte de viaxeiros, como no plano económico”.
“Estamos – continuou Veiga- diante doutra discriminación máis para a Comarca, posto que mentres noutras zonas do Estado, como Asturias ou Cantabria, refórzanse os servizos de FEVE na Mariña, Ferrolterra e Ortegal suprímense liñas. Unha vez o PP fai todo o contrario ao que lle interesa aos veciños e veciñas da Mariña, xa que do que se trata é de ampliar a oferta de liñas, particularmente no servizo de cercanías, e tamén na súa utilización para o transporte de mercadorías, posto que non debemos esquecer que FEVE atopase nunha situación inmellorábel para dar saída á produción da factoría da Alcoa. Non imos permitir que o Goberno do PP desmantele este servizo e comprometemos o noso apoio, tanto no plano social como institucional, para que o mesmo se manteña, e demandamos dos representantes do PP na Mariña que estean á altura da situación e antepoñan os intereses da zona as directrices do Partido”.
O responsábel comarcal do BNG anunciou que os nacionalistas presentarán na totalidade dos Concellos da Mariña unha moción na que se solicita ao Goberno do Estado que se manteñan as liñas en vigor e á Xunta de Galiza que se comprometa a elaborar e por en marcha o plano de cercanías a fin de mellorar a transporte público por ferrocarril na zona.
“Na comarca da Mariña, o ferrocarril debe xogar un papel central no transporte de mercadorías, nomeadamente para a planta de Alcoa, reivindicación de vello que axudaría a reducir os custos de loxística do complexo, o que repercutiría directamente na súa produtividade” – concluíu Veiga.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
