O XXXI Día do Turista chega cargado de actividades lúdicas, deportivas e culturais para todos os públicos
-Haberá concurso de castelos de area, unha travesía a nado, teatro, degustacións e o Antroido de verán entre outros eventos
Cervo, 2 de agosto de 2012-O Centro de Iniciativas Turísticas de San Ciprián xa ten todo preparado para a celebración do XXXI Día do Turista que terá lugar este sábado durante todo o día. O programa inclúe numerosas actividades lúdicas, deportivas e culturais dirixidas a públicos moi variados e que se desenvolverán en distintas localizacións da vila, dende a praza dos Campos, onde teñen lugar as entregas de premios e outros eventos, pasando pola praia do Torno ou a zona do porto.
O arranque oficial do Día do Turista marcarao o chupinazo, a partir das 10:00 horas. Unha hora despois, San Ciprián empezará empaparase de ambiente festivo coa música do pasarrúas a cargo do grupo de gaitas “Os Farallóns”, que percorrerá as rúas da vila durante toda a mañá e ata o mediodía. Ao mesmo tempo na praza dos Campos estará instalado Mercado de obxectos de segunda man.
Tamén ás 11:00 horas os máis pequenos atoparán entretemento na praia do Torno, onde terá lugar o Concurso de castelos na area, unha das actividades máis tradicionais do Día do Turista que se mantén dende as orixes da creación desta festa. Neste concurso poden participar os nenos e nenas de ata 14 anos, que terán que elaborar figuras e esculturas de area con temática libre. Máis tarde un xurado valorará a súa orixinalidade e a súa execución, e repartiranse os premios nas distintas categorías segundo as idades.
A tarde comezará con deporte, en concreto coa Travesía de Natación Porto de San Ciprián que organiza por primeiro ano o Club Náutico Amigos do Mar. Máis de 40 nadadores federados terán que completar un percorrido de 3.556 metros dende o porto ata unha zona próxima á illa dos Farillós. Trátase dunha proba que puntúa no Circuíto de Travesías de Galicia da Federación Galega de Natación. Esta é a primeira vez que se realiza unha proba deste tipo no litoral das Rías Altas. O percorrido a nado poderá levarse a cabo en caso de que as condicións meteorolóxicas o permitan; en caso contrario, a organización ten previstas varias alternativas.
Máis entrada a tarde haberá tempo para varias actividades lúdico-culturais. Ás 17:30 horas comezará o taller de artesanía do vimbio e ás 18:30 horas a representación de teatro infantil a cargo da compañía Gafacellos cunha peza teatral moi participativa chamada “Teatro con cartón”. Antes, ás 18:00 horas, será momento de repoñer forzas coa degustación de bolos preñados e empanada. Máis tarde, a partir das 21:00 horas, arrincará o cuarto Entroido de verán que organiza a ACIA de San Ciprián e no que se repartirán máis de 1.500 euros en premios. O desfile de disfraces e comparsas sairá da Casa do Mar e percorrerá as rúas da vila.
O Día do Turista é unha das festas con máis tradición no municipio cervense, e que este ano chega á súa edición número 31. No seu momento nacera como unha xornada para homenaxear aos visitantes e turistas que pasan uns días de vacacións na vila, e foi evolucionando co paso dos anos, variando o programa e incluíndo novidades como a xa mencionada travesía a nado ou o IV Antroido de verán, que son posibles grazas á colaboración doutras entidades.
“El Día del Turista es una iniciativa muy positiva para la localidad de San Ciprián, ya que visitantes y turistas se encuentran con un día pensado especialmente para ellos, con actividades muy variadas y que consiguen crear un ambiente festivo que se mantiene desde la mañana hasta la noche” asegura a edil de Turismo, Begoña Alonso. A concelleira recomenda “a todas las persoas que nos visitan” pero tamén aos propios cervenses “a participar en unas actividades con las que queda demostrado que San Ciprián ofrece muchas posibilidades además de su atractivo turístico”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
