Éxito do Resurrection Fest con 30.000 visitante e beneficios de 1,4 millóns de euros
– Lara Méndez, Melchor Roel, xunto a Iván e David Méndez, fixeron balance da maior convocatoria do festival de hardcore, punk e heavy de España con proxección internacional
– O “espírito Resurrection” deixouse sentir na cidade do Landro: cubríronse o 100% das prazas hoteleiras, incrementouse o aluguer de vivendas, esgotáronse os cartos nos caixeiros e aumentou o número de vendas nos restaurantes, supermercados e farmacias
– Os organizadores desta cita adiantaron que en 2013 haberá unha oitava edición para a que xa están a preparar algunha sorpresa
A Vicepresidenta Segunda, Lara Méndez, o Alcalde viveirense, Melchor Roel, e os dous organizadores do Resurrection Fest, Iván e David Méndez, fixeron balance este xoves no consistorio de Viveiro da maior convocatoria do festival hardcore, punk e heavy metal, que reuniu, en tan só tres días, a preto de 30.000 persoas, deixando en dita localidade mariñana máis de 1,4 millóns de euros.
O “espírito Resurrection” deixouse sentir na cidade do Landro durante o pasado xoves, venres e sábado, pois cubríronse o 100% das prazas hoteleiras – tendo que aloxar a algunha das bandas fóra da cidade-, incrementouse o aluguer de vivendas, esgotáronse os cartos nos caixeiros e aumentou o número de vendas nos restaurantes, supermercados e farmacias. Lara Méndez destacou o éxito rotundo que acadou o festival este ano, e atribuíuno “ó bo traballo e o gran esforzo que fan os organizadores durante meses”. Ademais, a Vicepresidenta subliñou que “iniciativas deste tipo son as que contribúen a paliar os efectos económicos da crise que estamos a sufrir”.
A proxección internacional deste festival hardcore, punk e heavy metal, xunto co impacto que ten na economía local, levou ó organismo provincial a apoiar por segundo ano consecutivo a cita musical, que reuniu a máis de medio cento de bandas de música, nos tres escenarios situados no novo campo de fútbol de Lavandeiras. Lara Méndez salientou, ademais, que a achega da Deputación, de 10.000 euros -a mesma contía que aportou o pasado ano- serviu para “potenciar o respecto polo medio ambiente e as prácticas de reciclaxe que xa caracteriza a esta cita musical. “Hai moitos prexuízos sobre este tipo de festivais, existe a crenza de que se provocan estragos, sucidade… pero o Resurrection Fest é un exemplo de que isto non é así, senón que hai moi bo ambiente, en todos os sensos”, engadiu.
Pola súa banda, o Alcalde definiu ó festival como “un exemplo de convivencia, unha nova forma de entender a vida, amosando unha capacidade de educación difícil de encontrar”. Sinalou tamén que “ademais de ser un evento alternativo, o Resurrection transfórmase nun feito cultural, de liberdade, e sobre todo, socioeconómico para o Concello de Viveiro”.
Os organizadores, Iván e David Méndez, remarcaron a inexistencia de incidentes durante os tres días do festival. Ó mesmo tempo, fixeron fincapé nunha nova edición, a oitava, na que xa están traballando co obxetivo de mellorar e evolucionar e na que, segundo aseguraron, xa hai algunha sorpresa preparada.
Anécdotas do “espírito Resurrection”
Nada máis rematar o festival, dous artistas a nivel internacional da música hardcore celebraron o seu enlace en Viveiro para reivindicar que o “espírito Resurrection” segue e seguirá presente tanto neste recuncho da Mariña como no resto de España. O Alcalde viveirense Melchor Roel, foi o encargado de oficiar a cerimonia nupcial que tivo lugar na sala de xuntas da Comisión do Goberno, á que acudiron preto de corenta persoas, entre os que se atopaban membros da organización do festival e un par de bandas que horas antes actuaran no festival, grupos que aprazaron algún dos seus compromisos para poder acudir á voda que puxo o punto e final á máis grande das sete edicións do festival.
O cartel deste ano
O obxectivo fundamental deste evento, que contou cun orzamento de 700.000 euros, é reunir ós principais grupos de música hardcore do panorama internacional e ás bandas emerxentes máis destacadas do país. Nesta sétima edición, como novidade, estreouse un novo recinto, o novo campo de fútbol de Lavandeiras, cunha extensión de 24.000 metros cadrados, onde se colocaron os tres escenarios: o principal ou Monster; o secundario ou Jagermeister; e o terceiro ou Arnette, que se inaugurou tamén este ano, acollendo concertos de 16 grupos. Neste último escenario soaron os directos de “Stigma”, “A New Heaven Arise”, “The Brosas”, “In Vivo”, “Kill as One”, “Amaterasu”, “Opcoming Of Devastation”, “Fields”, “Above The Seas”, “End Of Truth”, “Strikeback”, “Raze”, “Rain Is Art”, “Mary Read”, “The Chaos Is Coming” y “Against Authority”. O mesmo plató recibirá concertos en acústico de “Anti-Flag”, “Berri Txarrak”, “Tim Vantol” e “Back to 1984”. O resto do cartel, composto por máis medio centenar de artistas, concretamente 64, +integrárono bandas como “Suicidal Tendencies”, “Against Me!”, “Descendents”, “At The Gates”, “Agnostic Front”, “Nasum”, “Converge”, “Soziedad Alkoholica”, “Adrift”, “G.A.S Drummers” o “Moksha”.
Acampada libre en San Roque e no parque Pernas Peón de Covas, exhibicións de skateboard e sesión de Djs tras rematar os concertos puxeron o broche final á sétima edición deste evento, no que se prepararon máis de 20 viaxes dende as principais cidades de España, Oporto e incluso a zona sur de Francia, con destino Viveiro para asistir ó maior festival de música dura da Península.
Naceu da man de dous rapaces
No ano 2006 naceu este evento musical de mans de dous rapaces nun concerto en Nova Iork, que se propuxeron facer un concerto de heavy, ó que lle chamarían Viveiro Summer Fest, durante as festas da cidade do Landro. Malia o apoio do Alcalde do Concello e a súa boa acollida, tivo que suspenderse pola enfermidade dun dos compoñentes da única banda asistente: Sick of it all. Tan só uns meses despois, en novembro, e logo das innumerables críticas que recibiron os mozos, o festival levouse a cabo baixo un novo nome: Resurrection Fest. Así, tras seis edicións, esta cita foi crecendo ata ser considerada o maior festival hardcore, punk e heavy metal de toda a península. No ano 2010, o formato do festival pasou a durar tres días e a aumentar, tanto o número de asistentes, como o de bandas participantes hasta chegar a un total de 150.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
