GONZÁLEZ BARCIA VALOROU DE XEITO MOI POSITIVO A VISITA QUE ESTA MADRUGADA CURSOU Á LONXA BURELESA A CONSELLEIRA DO MAR. PARA O ALCALDE CONFÍRMASE O COMPROMISO DA XUNTA CO SECTOR PESQUEIRO.
Burela, 16 de agosto de 2012. O alcalde de Burela, José Mª González Barcia, valorou de xeito moi positivo a visita que esta madrugada cursou á lonxa de Burela a conselleira do Mar, Rosa Quintana. Para o rexedor confírmase o compromiso da Xunta co sector pesqueiro, que está a vivir unha situación de retos permanentes e atravesando unha indefinición pola falla de concreción da política pesqueira común que se está a rediseñar.
González Barcia dixo que “temos que valorar de xeito positivo a visita que fixo a conselleira a Burela, porque demostra o compromiso que ten a Xunta de Galicia co mundo do mar. Xa non só pola visita á lonxa para ver a venda de peixe, senón pola reunión que tivo despois con representantes do sector e na que lle plantexaron aquelas inquietudes e problemas polos que están a atravesar”.
O alcalde burelés subliñou que “o noso compromiso co sector pesqueiro é absoluto, na petición que fan dun reparto máis equitativo e máis acorde cos caladoiros das cuotas de pesca. Hoxe non se entende moi ben cómo as cuotas da pescada son as que son e non se poida capturar máis e que ocorra o mesmo coa cabala ou co xurelo”. E engadiu que “nós como equipo de goberno do Concello de Burela entendemos que son os mariñeiros os que mellor saben preservar os caladoiros, e son os mariñeiros os primeiros interesados na súa preservación porque eso significa garantir a continuidade do traballo. Partindo da filosofía de que detrás da pesca hai familias que viven da pesca, hai empresas que viven da pesca, nós concluimos en que lle axudaremos ao sector a que poidan seguir faenando e traballando, porque eso é o que queren”.
José Maria González Barcia indicou que “como responsables políticos a nivel local debemos pedirlles ás diferentes administracións que deixen seguir traballando a estas empresas, que deixen seguir pescando aos mariñeiros, sobre todo tendo en conta a situación de crise que estamos a vivir, e o que tamén pedimos é que se faga un reparto de cuotas máis equitativo e máis acorde cos tempos que corren, xa que estamos a manexar datos de 1982 e calquera persoa pode entender que con trinta anos de vixencia esas cifras poden quedar completamente obsoletas”.
O rexedor dixo que “a nosa postura tamén é clara no que se refire ás titulacións requeridas para poder despachar un barco. Nós entendemos que en toda a UE debería aplicarse unha normativa única e non estar pasando o que ocorre na actualidade, onde unha ou dúas persoas despachan un barco en Inglaterra, por exemplo, cando aquí fan falla moitísimas máis titulacións. Dase a circunstancia de que un barco inglés cun ou dous titulados fai a competencia a un barco español con catro ou cinco titulados e nós non entedemos cómo esto se pode producir así porque as condicións de traballo non son iguais para todos. Nós o que pedimos é que se formule unha normativa única para UE para regular as titulacións e aqueles aspectos vinculados con elas que se lle deben esixir a un barco de pesca”.
González Barcia reiterou que “a visita de Rosa Quintana é positiva, representa unha vez máis o compromiso da Xunta co mundo do mar, que está vivindo unha situación de retos permanentes e atravesando unha indefinición por esa falla de concreción da política pesqueira común que se está a rediseñar. E agardamos e confiamos en que as cousas se vaian solucionando nun momento tan volátil e tan cambiante coma o que estamos a vivir”.
Acompañaron a Rosa Quintana na súa visita á lonxa de Burela esta madrugada o secretario xeral de Mar, Juan Maneiro; o portavoz do PP no Senado, Xosé Manuel Barreiro; o secretario da Mesa do Parlamento de Galicia, Xosé Manuel Balseiro; e o alcalde de Burela, José Mª González Barcia.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
