BURELA .- No primeiro exame de persoal laboral fixo para a Aula de Educación Ambiental GAIA do concello de Burela “houbo preguntas que non se correspondían co temario” aseguran dende o PP e engaden que “tal circunstancia foi posta en coñecemento do presidente do tribunal, ó que só se lle ocorreu dicir que xa se arranxaría para a próxima, e que en internet había moitos tests similares ó que se estaba usando”.
Os populares fixeran público que o exame “non fora elaborado polo conxunto do tribunal e que non fora custodiado pola secretaría do mesmo”. Agora aseguran que o alcalde, Alfredo LLano, e a concelleira de Medio Ambiente, Lucía Bouza, “están en entredito pero seguen sen dar explicacións” e aseguran estar interesados en coñecer “que opinan Sonia Fraga e Remedios López de todo esto”.
Nota de Prensa
NOTA DE PRENSA DO GRUPO MUNICIPAL DO PARTIDO POPULAR
O GMPP destapa máis as ilegalidades no primeiro examen de GAIA.
Había preguntas que non estaban no temario e outras referidas a concelleiros socialistas.
O alcalde e Lucía Bouza, en entredito, seguen sen dar explicacións.
O Grupo Municipal do Partido Popular de Burela fixo hoxe públicas máis ilegalidades do primeiro examen de persoal laboral fixo para a Aula de Eduación Ambiental GAIA.
Como se lembrará, o PP advertiu no seu momento que o examen non fora elaborado polo conxunto do tribunal e que non fora custodiado pola secretaría do mesmo. Pois ben, agora o PP advirte de que houbo preguntas que non se correspondían co temario; tanto é así, que algunha preguntas facían referencia a nomes de concelleiros do bigoberno, concretamente do Grupo Socialista.
Ademais, o PP indica que tal circunstancia foi posta en coñecemento do presidente do tribunal, ó que só se lle ocurreu decir que xa se arranxaría para a próxima, e que en internet había moitos tests similares ó que se estaba usando.
Para o PP, esta situación é mui grave, porque deixa como unha auténtica mentirosa a Lucía Bouza, que dixo publicamente que non houbera ningunha irregularidade, quen xa beneficiou a seu irmán con méritos que só el tiña. Ademais, demostra que os problemas dentro do PSOE de Burela por este tema teñen razón de ser, e deixa claro que o alcalde non pinta nada, ainda que se aferra ó sillón, como manifestou nunha reunión interna do PSOE, na que pouco menos que se lle pediu que se marchara.
Tanto o alcalde coma Lucía Bouza están en entredito pero seguen sen dar explicacións. Por certo, non sabemos que opinan Sonia Fraga e Remedios López de todo esto, se é que opinan algo.
Os cidadáns de Burela non se merecen semellante desaguisado, e teñen que saber que temos un alcalde que ademais de traballar pouco, mira para outro lado cando as cousas van mal dadas.
E non aceptaremos que o PSOE replique como acostuma, descalificando e insultando, porque o que teñen que facer é explicar os chanchullos que están montando.
En Burela, a sete de Agosto de dous mil oito.
O Grupo Municipal do Partido Popular de Burela.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
Os senadores do PP por Lugo, José Manuel Barreiro, José Manuel Balseiro e Juan Serrano, xunto co portavoz de Interior do Grupo Parlamentario Popular no Senado, Luis Santamaría, mantiveron unha reunión no Senado con representantes da Asociación Española de Gardias Civís na provincia de Lugo, que lles trasladaron as principais reivindicacións do colectivo e analizaron os problemas e necesidades que afectan á Garda Civil na provincia.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
