O goberno de Feijoo en Galiza, unha lexislatura de fraude democrática, de fracaso económico e de políticas antisociais
Despois de máis de 3 anos de goberno de Feijoo ningunha promesa coa que se presentou ante a cidadanía galega foi cumprimida e neste tempo o paro, a pobreza e as desigualdades sociais non fixeron máis que incrementarse.
O desmantelamento económico e social producido en Galiza e na provincia de Lugo ao longo da lexislatura provocou e segue a provocar situacións dramáticas a milleiros de cidadáns cada día. Feijoo presidiu un goberno sen iniciativa que só se dedicou a desmantelar o realizado polo goberno anterior en políticas sociais, no desenvolvemento eólico, en políticas culturais ou de promoción da nosa lingua producindo graves consecuencias sociais e económicas.
Dende a volta do PP ao goberno galego en marzo de 2009 a evolución do paro reflectido na Enquisa de Poboación Activa non deixa lugar a dúbidas do fracaso das políticas económicas e de recortes practicados dende a Xunta de Galiza. Na provincia de Lugo o incremento da taxa de paro dende o 1º trimestre de 2009 ao 2º trimestre de 2012 foi do 95,5%, no conxunto de Galiza do 69,5 % e no Estado do 42%.
Todo isto veu acompañado de perda de poboación e de emigración de xente nova por falta de futuro e de expectativas para poder desenvolver un proxecto de vida.
As políticas dos gobernantes do PP de duros e contínuos recortes provocan máis depresión económica, a privatización e o deterioro dos servizos públicos básicos como a sanidade e o ensino e o abandono das políticas sociais.
O descenso contínuo e mes a mes do índice de produción industrial, a sucesión de peches de empresas e de expedientes de regulación de emprego constatan esta situación.
Traballadores de moitas empresas, autónomos e comerciantes da provincia están a sofrir as consecuencias dunha recesión económica que vai a maiores como consecuencia da paralización do consumo das familias motivado polos recortes, polo paro e as reducións salariais.
As novas imposicións antidemocráticas como a subida do IVE, os recortes nas pensións, nas prestacións por desemprego, nos salarios dos traballadores públicos, na sanidade, no ensino, na dependencia e nos servizos sociais non fan máis que aumentar a crise, as desigualdades sociais e castigar ás persoas máis vulnerables.
O goberno de Feijoo caracterizouse por impor sacrificios enormes á inmensa maioría da poboación, por consentir a estafa realizada a milleiros de galegos nas participacións preferentes e por permitir a impunidade dos que expoliaron as caixas galegas.
Nunca Galiza e a provincia de Lugo estiveron peor. Ante a peor crise dende hai decenios existiu un goberno galego incapaz, que non ofreceu solucións nin ofrece esperanzas de futuro.
O adianto electoral realizado polo Sr, Feijoo responde a intereses partidistas e esconde as verdadeiras intencións de realizar novos e durísmos recortes que van a incluir ata as pensións se gañan as vindeiras eleccións en Galiza.
Galiza e Lugo necesitan un goberno ao servizo dos cidadáns, que incentive o desenvolvemento económico dos nosos sectores productivos e que poña todos os seus recursos para que a toda a cidadanía sen discriminancións poida acceder a servizos públicos de calidade.
Manuel Parga Núñez (Deputado do BNG por Lugo no Parlamento de Galiza)
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
