Cervo clausura os Enredos de verán cunha festa para os preto de 65 nenos e nenas participantes
-Os cativos e cativas comezaron a mañá con inchables e xogos para despois ver fotografías e vídeos sobre as actividades realizadas e rematar recibindo agasallos e diplomas
Cervo, 30 de agosto de 2012-Os Enredos de verán despídense por este ano, e fano cunha festa de clausura cos preto de 65 nenos e nenas que participaron nas actividades ao longo dos meses de xullo e agosto. Unha celebración que comezou con inchables e xogos diante da Casa da Cultura. Os actos seguiron no Auditorio, onde os pequenos puideron ver fotografías das distintas actividades levadas a cabo neste tempo e os videoclips feitos polos maiores. A festa rematou coa entrega de diplomas, agasallos e lambonadas por parte da concelleira de Educación, Pilar Armada e do edil de Seguridade Cidadá, José Ramón Soto.
A edil de Educación valorou moi positivamente esta festa de clausura e asegurou que “foi un momento moi especial para os cativos e cativas, que a pesar de ter que dicir ata o ano que vén aos Enredos de verán, pasaron unha xornada moi agradable xogando cos compañeiros cos que compartiron estes meses e en xeral, con todos os participantes do programa”. Porque para Pilar Armada esta festa, “ademais da compoñente de diversión, tamén fomenta a boa relación entre os pequenos, o compañeirismo e a convivencia”.
Enredos de verán é un programa consolidado na axenda estival do Concello de Cervo que inclúe actividades lúdicas, didácticas e deportivas e que se vén desenvolvendo nos últimos anos para manter entretidos e activos aos cativos de 3 a 12 anos nos meses de xullo e agosto. “Os Enredos de verán son xa unha cita ineludible para os pequenos que combina o entretemento coa aprendizaxe e a práctica de deporte” explica a concelleira. Segundo Armada, o valor deste programa está na variedade das actividades, que permiten “a potenciación das destrezas manuais e a axilidade mental, a práctica de actividade física ou a concienciación medioambiental con métodos didácticos e amenos”. Por iso, “os Enredos de verán seguirán sendo unha aposta do goberno local que agardamos manter nos vindeiro anos e co mesmo éxito” remata a delegada de Educación.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
