A Deputación denuncia que “Feijóo pon en perigo 2,5 millóns de euros para parados e familias lucenses co adianto exprés das eleccións”
– Son os fondos para políticas activas de emprego e para as Axudas no Fogar dos convenios que “Feijóo deixou no limbo ó preferir marchar de vacacións e convocar eleccións que xestionalos”
– Como o Goberno galego está en funcións e, segundo a Lei, só pode facer xestións ordinarias, a Deputación proponlle que conceda estes 2,5 millóns de euros ós Concellos con subvencións
– Martínez subliña que “esta é a 1ª consecuencia do adianto dos comicios que Feijóo fixo por conveniencia para agochar novos recortes coma Rajoy. O mellor exemplo, a suba do IVA”
A Deputación denunciou hoxe a primeira consecuencia na provincia do anticipo “exprés” dos comicios autonómicos: “Feijóo pon en perigo 2,5 millóns de euros para parados e familias lucenses por adiantar as eleccións por conveniencia”, avanzou o voceiro socialista. Manuel Martínez explicou que esta decisión “fixo que hoxe teñamos un Goberno galego en funcións, que paraliza asuntos de enorme calado” xa que, tal e como recolle a Lei, só pode realizar xestións ordinarias. Por exemplo, pagar facturas ou nóminas. Por este motivo, engadiu o voceiro, “dubidamos moito que o Executivo autonómico poida asinar coa Deputación de Lugo os convenios en materia de políticas activas de emprego e servizos sociais na provincia que deixou pendentes”, cifrados en ditas cantidades.
Neste senso, lembrou que, no mes de xullo, o Goberno galego remitiu ó organismo provincial varios convenios, que foron avaliados, “minuciosamente”, polos servizos xurídicos da institución luguesa. Días máis tarde, “e co fin de axilizar a posta en marcha destas iniciativas na provincia”, a Deputación respostou á Xunta, adxuntado os informes resultantes, “nos que presentábamos serias cuestións de urxente solución para poder continuar a tramitación destes convenios”. Martínez puxo varios exemplos:
– “a Xunta ofrecía 1,2 millóns de euros prodecentes da Unión Europa para desempregados e establecía a súa contratación dende a sinatura do convenio e ata o 16 de novembro. Sen embargo, non aclaraba que administración xestionaría estes fondos europeos. A nosa dúbida era entón, ¿condecía estes cartos a Xunta porque non executou en tempo e forma os fondos da Unión Europea, poñéndoos en perigo, e quería agora empantanar á Deputación de Lugo para ocultar a súa nefasta xestión?”, preguntou.
– “o Goberno galego definía un mesmo convenio para a contratación de desempregados e a prestación das Axudas no Fogar polo que nós proponíamos a sinatura de dous convenios ó tratárense de temas totalmente diferentes. Ademais, tampouco aclaraba de onde proviría o 1,3 millóns de euros necesarios para a prestación destas subvencións ás 3.000 familias ás que a Xunta deixou, mediante o Decretazo, sen servizos sociais comunitarios básicos”.
Silencio logo dun mes
O Deputado subliñou que un mes máis tarde do envío de ditos informes, “o Goberno galego preferíu marchar de vacacións que respostar ás cuestións plantexadas pola Deputación, deixando no limbo estes convenios que agora, estando en funcións, dubidamos moito que poidan tramitar, ó non seren xestións ordinarias, xa que se tratan de cuestións que, claramente, alteran as competencias de ambas institucións. É dicir, Feijóo preferíu convocar eleccións por intereses persoais, poñendo en perigo estes 2,5 millóns de euros para desempregados e familias lucenses, que xestionar estes asuntos como faría un bo gobernante”, indicou.
“Unha nova solución”
Ante esta situación, “e dando unha vez máis unha posible solución a Feijóo como fixemos coa sinatura do protocolo de colaboración entre Xunta e Deputacións -que rectificou tras das aclaracións desta institución- demandamos ó Goberno galego que conceda, directamente, este importante investimento ós Concellos mediante subvencións directas, como fixo outros anos”. Martínez destacou que “a Xunta debería avaliar esta proposta co fin de solucionar a súa nefasta xestión en Lugo. Se tampouco fóra posible esta vía, Feijóo terá que explicar entón ós lucenses como foi capaz de perder 2,5 millóns de euros para desempregados e familias coa que está a caer”.
“Feijóo agocha novos recortes ó igual que Rajoy”
O Deputado remarcou que “estas son as consecuencias do adianto das eleccións que Feijóo decidiu convocar só por unha única razón: impoñer máis recortes que agocha na súa axenda oculta ó igual que Rajoy. O mellor exemplo, a suba do IVA que sufriremos todos dende mañá mesmo e que conlevará o maior incremento dos prezos na historia, novos gastos para as familias ou a destrución de miles de empregos”.
E é que habera que pagar un tipo xeral do 21%, só dos puntos por debaixo de Alemaña cando, segundo datos oficiais, a renta media per cápita do país xermano supera en 10.300 euros á galega. Os propios sectores afectados estiman que se destruirán máis de 20.000 postos de traballo en España ó detraerse o consumo. Por exemplo, as perruquerías advirtiron que en Galicia correrán risco de peche 3.000 negocios, desterrando ó paro polo menos a 9.000 persoas. Unha familia media de Galicia terá que pagar uns 430 euros máis o mes, cifra que se incrementará ata os 1.300 euros no caso dunha familia que viva da actividade agrogandeira, sector piar da economía luguesa.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
