CERVO .- O alcalde de Cervo, Alfonso Villares, xestionará ante os próximos responsables da Xunta de Galicia melloras no proxecto de saneamento integral de San Ciprián. O actual executivo galego recortou de 6,3 millóns de euros a 4,5 millóns de euros o presuposto de este proxecto, según indican desde o concello de Cervo.
NOTA DE PRENSA
O proxecto orixinario, licitado polo anterior Goberno do PP contemplaba un orzamento de 6,3 millóns de euros que o Executivo de Touriño e de Quintana reduciu ata os actuais 4,5 millóns de euros
VILLARES XESTIONARÁ ANTE A NOVA XUNTA DO PP MELLORAS NO PROXECTO DE SANEAMENTO INTEGRAL DE SAN CIPRIÁN DESPOIS DE QUE O EXECUTIVO BIPARTITO O RECORTARA EN PRETO DE 2 MILLÓNS DE EUROS
• Entre outras cuestións Villares reclamará que se alongue o emisario da nova estación depuradora de augas residuais, para evitar así provocar graves prexuízos á principal empresa acuícola emprazada no polígono de Cuiña e garantir a súa viabilidade e todos os seus postos de traballo. A Xunta actual non atendeu esta mellora.
• Estas xestións non impedirán que os trámites administrativos previos ao inicio das obras prosigan con normalidade. A execución dos traballos terá lugar a finais do ano en curso.
Cervo, 27 de marzo de 2009.- O Alcalde de Cervo, Alfonso Villares, xestionará ante os novos dirixentes da Xunta de Galicia do PPdeG a introdución de diversas melloras no proxecto de saneamento integral de San Ciprián despois de que o actual Executivo bipartito en funcións acometera un recorte nestas actuacións de preto de dous millóns de euros. O proxecto orixinario licitado polo anterior Goberno do Partido Popular no ano 2005 (DOGA do 5 de setembro) contemplaba un orzamento de 6,3 millóns de euros que os actuais responsables en funcións da Xunta bipartita reduciron a 4,5 millóns de euros, recorte que operou en contra dos intereses dos veciños e veciñas de San Ciprián e respecto do que o Goberno municipal sempre mantivo a súa oposición.
O xiro político protagonizado pola vitoria do Partido Popular de Galicia nas pasadas eleccións autonómicas e o inminente nomeamento do novo Goberno da Xunta, presidido por Alberto Núñez Feijóo, abre unha porta á posibilidade de introducir novas melloras no proxecto actual, de tal xeito, que o Concello de Cervo poida ver colmadas as súas reivindicacións respecto do novo saneamento integral de San Ciprián.
ALONGAMENTO DO EMISARIO DA DEPURADORA
Entre as melloras que o Concello de Cervo proporá á nova Xunta está a ampliación do emisario de vertido das augas residuais que, previamente tratadas na nova estación depuradora que se emprazará no polígono de Cuiña dilúense no mar. Cúmprese así cunha das alegacións formuladas por unha importante empresa acuícola asentada neste polígono que entendía que a situación do emisario actual podería prexudicala. Esta inquietude xa foi manifestada pola empresa aos actuais responsables da Xunta de Galicia máis non fixeron ningún caso. A actual ubicación do emisario prexudica a viabilidade da empresa e os postos de traballo. Por iso o Concello de Cervo asume como propia esta petición e comprométese a trasladarla aos novos xestores da Xunta.
INICIO DOS TRABALLOS EN 2009
O rexedor municipal de Cervo clarexa que as xestións que ten previsto desenvolver diante da nova Xunta non impedirán que os trámites administrativos previos ao inicio das obras prosigan con total normalidade. De feito, o proxecto actualmente en vigor -e que se verá mellorado despois da xestións do Concello de Cervo co novo Executivo autonómico,-ten previsto o inicio e a ecución dos primeiros traballos a finais do ano en curso, horizonte temporal que será respectado. Abondando nesta mesma liña, Alfonso Villares explicou que a incorporación do proxecto de novo saneamento de San Ciprián dentro das actuacións a financiar con cargo ao Fondo de Dinamización da Economía obriga e garante a que as obras comecen no 2009.
CUMPRIMOS
O novo saneamento de San Ciprián constitúe unha promesa electoral firme do Partido Popular de Cervo. O Goberno Municipal vén traballando neste obxectivo desde fai tempo. Xa no 2005 contaban cun proxecto orixinario que sufriu diversas modificacións. Algunhas delas foron moi positivas, como por exemplo as melloras propostas polo Concello de Cervo como son o cambio de emprazamento da EDAR -que pasa da zona de Lieiro ata o polígono de Cuiña- ou o cambio no sistema de tratamento das augas residuais. Outras non tan acertadas, como foi o recorte do investimento total por parte da Xunta bipartita, ao negarse a manter unha serie de aspectos positivos do proxecto orixinario -fundamentalmente, que a Xunta asumía o mantemento da EDAR durante varios anos-. Afortunadamente as xestións do Alcalde de Cervo diante de Augas de Galicia durante o 2008 arrincaron o compromiso dos responsables do Ente Público para levar adiante o novo saneamento e xusto despois, logrouse que o Ministerio de Medio Ambiente asumira o seu custe con cargo ao Plan E. Agora as esperanzas están postas en que a nova administración da Xunta asuma -con toda seguridade o fará- novas mellorar que serán obxecto de proposta desde o Goberno municipal.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
