A suba do IVE “imposta por Rajoy” incrementa os gastos da Deputación en 2 millóns de euros máis ó ano
– A Xunta de Goberno aprobou o inicio dun reaxuste orzamentario para tentar compensar con excedentes doutras partidas a suba do IVE co fin de manter as prestacións ós Concellos
– Martínez salientou que “o PP sae moi caro ós cidadáns xa que non lles ofrece resultados senón que lles impón novos e máis custes. O Partido Popular de Lugo é o grupo político máis caro da provincia, ó custarlle ós veciños máis de 1,3 millóns de euros ó ano”
– A institución reforza a vixilancia no contorno do San José logo de que a Xunta desaloxase este inmoble dous anos máis tarde do acordado, facendo que a súa débeda coa Deputación se incrementase este ano ata os 3,1 millóns de euros e ata os 14,4 millóns ata 2015
A Xunta de Goberno deste venres aprobou a posta en marcha do reaxuste orzamentario do Presuposto da Deputación para 2012 con motivo do suba do IVE aprobada polo Goberno Central xa que, tal e como explicou o voceiro provincial socialista, “isto obríganos a aplicar a todos os contratos de obras e servizos nos Concellos lucenses unha taxa do 21%, fronte ó 18% co que contaban”. Manuel Martínez destacou que, tomando como referencia os investimentos do 2011, “o custe económico imposto por Rajoy suporá un aumento dos gastos en 2 millóns de euros máis que o ano pasado”. Mentres en 2011 a institución pagou polo IVE 10 millóns de euros, este ano aboará 12 millóns de euros. Ante esta situación, o organismo provincial realiza este reaxuste orzamentario para tentar compensar con excedentes doutras partidas a suba do IVE co fin de manter as prestacións ós Concellos.
Neste senso, o voceiro indicou que “as medidas de Rajoy, ó igual que as de Feijóo, están a asfixiar ás entidades locais, ás que impoñen a dotación de novos servizos ós cidadáns, o mellor exemplo é o Decretazo de Servizos Sociais, sen o financiamento económico correspondente para facelo e como menos cartos. Os actuais Gobernos Central e Autonómico son os Executivos máis caros da historia da democracia. Só coa suba do IVE, Rajoy destruirá 20.000 empregos en España ó detraerse o consumo. Grazas ó incondicionable apoio que lle brinda Feijóo, cada familia galega pagará uns 400 euros máis ó mes, cifra que aumentará ata ós 1.300 euros, no caso dunha familia que viva da actividade agrogandeira, piar da nosa economía”.
“O PP sae moi caro ós cidadáns”
Martínez engadiu que “o PP sae moi caro ós cidadáns xa que non lles ofrece resultado algún, senón que lles impón novos e máis custes. Fíxense, a Executiva Provincial do PP de Lugo cústalle ós veciños máis de 1,3 millóns de euros, sendo o partido político máis caro da provincia. Todos os seus integrantes cobran, ou cobraron, das seguintes administracións: Xunta, Estado e, como non, da Deputación. Por primeira vez na historia da institución provincial, a oposición cobra e ten asesores. Así o impuxeron cando se negociaron as retribucións, mantendo 3 dedicacións exclusivas e incrementando os gastos de partido en 1.500 euros máis ó ano. Pola contra, no Goberno Provincial rebaixamos nun 30% os nosos soldos e nun 20% os custes de asesores, no caso da Presidencia. O PP é a oposición máis cara da historia da Deputación. A voceira do Partido Popular recibe máis de 50.000 euros ó ano, ó mesmo que calquera responsable de área, cando o seu traballo é infinitamente menor e non acude a Comisións Executivas do Inludes, mesas de contratación ou reunións da Fundación TIC. É a Deputada máis cara”. Con todo isto, Martínez destacou que “non veña agora o señor Barreiro a darnos leccións de austeridade. Deberíalle caer a cara de vergoña por recibir 120.000 euros ó ano con resultados cero, e cando é coñecedor de que mentres o PP dirixiu a Deputación contratou a ducias de persoas a dedo, tendo hoxe familias enteiras, ó igual que na Deputación de Ourense, traballando nesta institución. Esta é a dobre moral do PP, un partido que só mente e manipula”.
Reforzo da vixilancia do contorno do San José
A sesión acordou a contratación dun sistema de videovixilancia para o contorno do Hospital San José, a Escola de Imaxe e Son e o primeiro centro de Invocación Social en Galicia, por valor de 44.770 euros. Trátase dun rigoroso sistema, composto por unha rede de cámaras e de sensores láser, que estará en funcionamento entre os meses de decembro e xaneiro, unha vez finalizados os complexos traballos de instalación. Ata esta data, gardas, porteiros e brigadas de mantemento continuarán, como xa o están a facer na actualidade, a realizar turnos para manter vixiado todo este perímetro. Martínez remarcou que “reforzamos, deste xeito, a vixilancia no contorno do Hospital San José logo de que a Xunta desaloxe este inmoble provincial hai tan só uns días, cando prometera facelo o 1 de xaneiro de 2011.
Máis débeda en 2012
“A falta de palabra do Goberno galego”, subliñou o Deputado, que durante case dous anos máis aló co prometido e acordado mantivo servizos sanitarios no San José e durante máis dun ano ós doentes no San Rafael, fixo que a débeda da Xunta coa Deputación polos hospitais se incrementase, este ano, ata os 3.150.000 euros. Desta cantidade, 2,5 millóns de euros son os cartos que o Goberno galego debía pagar, “xa no primeiro trimestre de 2012 e que aínda non o fixo”, tal e como recolle o convenio ratificado por Deputación e Xunta para pór fin á débeda que acumulada pola xestión do San José e San Rafael dende 2005 e ata 2011, periodo pendente de pago. A restante cantidade, 650.000 euros, derivan dos gastos ocasionados pola ocupación dos edificios logo de xaneiro do ano pasado. Hai que lembrar, que os doentes do San Rafael estiveron nestas instalacións ata o 15 deste mes febreiro e que os departamentos de Saúde Mental, Hospital de Día, Mamografía e Transtornos Mentais Severos no San José ata o 1 de setembro. Durante este tempo, a Deputación asumíu os gastos de mantemento, por exemplo servizos de calefacción, auga ou comida…, que agora debe devolver o Executivo galego.
Martínez informou que, ademais destes 3,1 millóns de euros, “que esperamos que, aínda que cun retraso de máis de medio ano, nos pague a Xunta en 2012 como lle corresponde”, o Goberno galego tamén debe aboar á Deputación, tal e como dicta o convenio que asinou para rematar coa débeda polos hospitais, outros 11.300.000 euros, distribuídos en tres anualidades (2013, 2014 e 2015), de 3.760.000 euros cada unha. Isto supón, que o Executivo autonómico adebeda á Deputación un total de 14,4 millóns que euros polos hospitais, que ten que ingresar de aquí ó 2015.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
