LUISA CASTRO
Polos xornais chéganos a boa nova dun paso importante na brillante carreira da intelectual focega Luísa Castro poeta, escritora e colaboradora de prensa; segundo a cal a nosa veciña acaba de ser nomeada responsable do maior centro cultural español en Italia, ao asumir a dirección que a sede do Instituto Cervantes ten en Nápoles. Luísa vai a ocuparse de coordinar as actividades do centro no que se promocionan o español e a cultura iberoamericana, dende o que é o meirande centro español existente naquel país, cuxas instalacións ocupan unha superficie de 1400 metros cadrados. A cultura italiana non é algo novo para a lingüista focense, pois non en van durante varios cursos estivo en contacto con ela grazas á ampliación dos seus estudos de Lingüística na histórica Universidade de Urbino, con unha tradición de máis de cinco centos anos; pequena e vella cidade situada a 100 Km. dese auténtico museo ao aire libre que é Florencia, e berce do insigne Rafael, pintor e arquitecto, a mais importante figura do Renacemento.
Rexistramos con verdadeira ledicia este novo éxito da escritora mariñá de cuxa amizade disfrutamos dende a súa adolescente incursión no mundo da literatura, cuxos pasos seguimos de preto; indiscutibles dotes, recoñecidas acotío a través dos libros e os importantes premios que, xove aínda, leva acadados.
Luísa Castro ten publicados os libros seguintes: de poesía, Odisea definitiva; Los versos del Eunuco, Premio Hiperión; Baleas y baleas, premio Esquío; Los seres vivos; Los hábitos del artillero, premio Rey Juan Carlos de poesía; De mí haré una estatua; Señales con una sola bandera; Amor mi señor. Novelas: El Somier, finalista premio Herralde; La fiebre amarilla; El secreto de la lejía, premio Azorín; Viajes con mi padre; La segunda mujer, premio Biblioteca Breve; Podría hacerle daño, premio Torrente Ballester…
Colaboradora habitual de “El Progreso”, a súa sinatura non é allea ás páxinas doutros xornais galegos e ás principais cabeceiras dos rotativos estatais. Luísa utiliza indistintamente o castelán e o galego para os seus traballos literarios. Os nosos parabéns.
Suso Fernádez
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
