O VINDEIRO DOMINGO, 16 DE SETEMBRO, PÉCHASE A TEMPADA DESTE 2012 NO EIDO DOURADO. OS QUE O DESEXEN AÍNDA PODEN ACUDIR A DISFRUTAR DA SÚA EXPOSICIÓN PICTÓRICA.
Barreiros, 14 de setembro de 2012. O vindeiro domingo, 16 de setembro, péchase a tempada deste 2012 no Eido Dourado. Os que aínda queiran achegarse a disfrutar deste espazo adicado ao arte poden facelo a esa xornada. O seu artífice, o artista barreirense Celso Dourado fai un balance moi positivo deste verán.
Dourado sinalou que “o balance deste verán é tremendamente positivo porque pouco a pouco o Eido Dourado estáse a conformar coma espazo de cultura. A parte da exposición pictórica, que foi renovada, nos xardíns desenvolvemos un programa de interpretacións e actuacións musicais nestes meses. A idea que eu sempre tiven para o Eido Dourado estáse a cumprir”.
O artista barreirense lembrou que “o Eido Dourado pecha esta tempada o vindeiro domingo, 16 de setembro, ás nove da noite” e anunciou que “xa estou traballando nunha serie de proxectos expositivos, entre eles, renovar unha vez máis a colección que aquí se amosa. Hai un período ao longo do inverno por diante que me permitirá levar adiante ditos proxectos, contamos seguir traballando no eido da cultura no vindeiro verán. Agardamos seguir con esta programación de actuacións de música e de poesía, é dicir de todo aquelo que sexa complementario no Eido Dourado”.
Celso Dourado recoñeceu que é difícil organizar un programa cultural coma o que ofreceu este verán o Eido Dourado, “pero máis difícil é a situación da cultura no noso país, na nosa Galiza, onde quen fai cultura está avocado prácticamente ao esquecemento por parte de quen ten o poder neste momento. A xente da cultura, os artistas, buscan saidas como sexa e eu estou encantado de poder brindarlles o meu espazo. Espero que isto vaia mudando pouquiño a pouco, pero realmente o panorama da cultura en Galiza estáse a complicar bastante”.
Para Dourado as administracións públicas non apostan pola cultura, “ao contrario parece que lles interesa escondela. Eu non entendo cómo se poden dar esquemas nun país cos antecedentes que temos a nivel cultural e estas macroorquestras poden vivir da forma en qué viven e cobrar da forma en qué cobran, relegando a un segundo plano a quen realmente fai música de calidade na nosa terra, non o entendo”.
O Eido Dourado foi visitado durante este verán de 2012 por máis de tres mil persoas, unha cifra similar á de anos anteriores.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
