Para o BNG de Burela o PP segue a facer unha xestión nefasta do Concello
Desde o Consello Local do BNG de Burela vimos de analizar as últimas actuacións do equipo de goberno municipal e, unha vez máis, valoramos como nefasta a xestión do Concello por parte do Partido Popular. E ímonos referir, neste caso, a tres cuestións concretas sobre as que xa temos falado publicamente e, incluso, preguntado nos Plenos e sempre se nos deron desculpas e malas contestacións.
En primeiro lugar, un dos aspectos máis negativos é, sen dúbida, o uso interesado que está a facer o PP do Concello para colocar a dedo ao seu círculo de amizades, primando o interese político e persoal por riba do interese xeral dos veciños e veciñas de Burela.
Os procesos de contratación do PP non só non atenden a criterios de eficiencia e calidade nos servizos contratados, senón que ademais non respectan os principios de igualdade e mérito, como xa denunciamos publicamente desde o BNG o pasado mes de xullo en relación á selección de persoal para o GRUMIR e para o servizo de vixiancia e salvamento nas praias.
Do mesmo xeito, tamén apreciamos irregularidades nos labores que está a desenvolver parte do persoal contratado para o GMIR, como así lle preguntamos ao Alcalde no pasado Pleno de xullo. Non se entende como persoas que, sendo contratadas para realizar as tarefas propias dun Grupo Municipal de Intervención Rápida, estean a traballar en dependencias municipais tales como a Oficina de Turismo, a Casa da Xuventude ou nos propios servizos administrativos da Casa do Concello. E o Alcalde, ante as nosas preguntas, recoñeceu que el mesmo ordenou que fixesen estas actividades, co cal está recoñecendo que está incumprindo a lei: está desviando os cartos que a Xunta deu para contratar aos GMIR para cumprir outras funcións dentro do Concello.
A peor parte, como sempre, lévamola os veciños e veciñas, como quedou demostrado no incendio a finais do mes pasado nun local de hostalaría de Burela, do que afortunadamente non temos que lamentar desgrazas persoais. O señor Barcia recoñeceu publicamente que foi “un erro humano puntual”, mais aínda non tivo a ben dar explicacións de como se desenvolveu a actuación do GMIR neste incendio, no que sabemos que estiveron en risco a vida de moitas persoas e no que foi fundamental a colaboración do propietario e empregados do local, así como das veciñas e veciños afectados.
Para o BNG, o alcalde é o responsábel último da organición e xestión destes servizos fundamentais para o correcto desenvolvemento da vida diaria das persoas no noso Concello e, por iso, ten que dar repostas claras ante unha situación de tanta gravidade como esta, pois a mala xestión dun servizo tan importante como o GMIR pode supór un serio risco para os veciños e as veciñas.
Como non pode ser doutro xeito, o BNG de Burela vai plantexar unha serie de preguntas no próximo pleno municipal co fin de que o señor alcalde aclare os feitos e explique as medidas que se van adoptar para corrixir as deficiencias existentes neste servizo.
Outra das cuestión que nos preocupa no BNG é a falta de seriedade e de respecto con que o Goberno Municipal está a tratar aos colectivos da nosa vila.
O PP, co señor Barcia á cabeza, enganaou ás asociacións culturais cando durante a campaña electoral lles prometeu axudas que sabía que non podería conceder e, por se fose pouco, ao entrar no Goberno o PP fixou unhas taxas polo uso das instalacións municipais. Desde decembro do pasado ano, moitos colectivos están á espera dun convenio co Concello no que as entidades sen ánimo de lucro fiquen exentas do pagamento destas taxas, como así nos dixeron que ían facer e sobre o que preguntamos máis dunha vez, obtendo a calada por resposta. Esta taxas supoñen unha carga para as asociacións de carácter non lucrativo, dificultando o desenvolvemento dos seus labores sociais ante a desidia das respectivas concellerías municipais.
Sabemos o esforzo que supón organizar actividades culturais, lúdicas e deportivas para moitas asociacións, por iso demandamos unha solución inmediata por parte do Concello e que deixe de adiar máis esta cuestión de vital importancia para o tecido asociativo da nosa vila. A Delegación de Cultura, entre outras, non pode ollar para outro lado e debería asinar canto antes un convenio de colaboración coas entidades culturais e deportivas.
E, por último, tampouco escondemos o noso descontento (ao que se lle une o de moitos veciños e veciñas de Burela que a nós se dirixen) polo estado tan lamentábel en que se encontra a nosa vila. Podemos apreciar como o lixo se acumula nas nosas rúas día tras día e como as beirarrúas se atopan inundadas de maleza, sen que se tomen medidas para solucionar un problema non só estético, senón de saúde pública.
En resumo, falamos hoxe só destas tres cuestións concretas que demostran a ineficacia e nefasta xestión do equipo de goberno do PP, no que, non hai que esquecer, hai tres persoas cobrando 100.000 € ao ano.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
