Sr. Alcalde de Mondoñedo, asesorese dos veciños e escoite aos que gañamos as eleccións antes de tomar decisións
Nos pasados días, comprobamos como o Equipo de goberno de Mondoñedo e o seu alcalde, entraban en razón e rectificaban a equivocada decisión de prohibir de xeito absoluto o estacionamento no entorno da praza da catedral, concretamente habilitando unha marxe da rúa da Fonte.
Para tal decisión, fixo falta, recollida de sinaturas por parte dos afectados, saídas reiteradas en medios de comunicación manifestando o seu malestar e a presentación de 2 alegacións á ordenanza municipal reguladora de Trafico. É evidente que facerlle ver ao señor alcalde e aos seus compañeiros de goberno que a decisión era equivocada non foi doado. A situación, se cabe, ten maior gravidade, se temos en conta que o equipo de goberno fora advertido en reiteradas ocasións desta situación tanto polos veciños como polo partido popular mindoniense, antes DA EXECUCIÓN DO PROXECTO, cando aínda se podía corrixir .
O Partido Popular manifestou publicamente en reiteradas ocasións que o diñeiro público invertido na obra acometida neste entorno fora un despilfarro: levantáronse beiraruas recén executadas, inabilitáronse espazos, dado que a praza tras as obras só queda para uns usos moi limitados. Así mesmo, o resultado final da rúa, dificulta de forma seria a convivencia entre circulación de vehículos e de peóns, dado que por non estar, nin está delimitada a zona para uns e para outros, NON HAI BEIRA RUAS, e no medio da mesma aparecen bloques de pedra, que ademais de afectar claramente a seguridade (xa se produciron accidentes) son absolutamente antiestéticos, inútiles e perigosos.
Ben é certo que a coherencia en materia de trafico con este equipo de goberno nunca existiu.
Agradecemos a rectificación, actuación que debe repetir en outras áreas, porque realmente, hai que recoñecer, que foi a mellor decisión dos últimos tempos, ACERTA CANDO RECTIFICA.
Pero, tamén debería servir, para aprender unha lección. O consenso, escoitar aos veciños e aceptar as propostas do PP, levaríano a acertar, mais a miúdo, e non verse obrigado a dicir digo, onde antes dixera diego.
Sen facer ningunha demagoxia, Sr. Alcalde, a regulación do tráfico en Mondoñedo é un tema que se debe tomar máis en serio, AFECTA a nosa economía, afecta a nosa poboación, e dado que as obras que deseña, a pesar de despilfarradoras son inútiles, aprenda diste erro e ASESORESE DOS QUE GAÑARON AS ELECCIÓNS E DOS VECIÑOS.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
