ANA ERMIDA SINALA A NECESIDADE DE ARTELLAR FÓRMULAS PARA TRANSFERIR LIQUIDEZ AOS AUTÓNOMOS
O BNG da Mariña denuncia que Lugo é a única provincia galega onde diminuíu o número de autónomos
“A suba do IRPF para autónomos pon en perigo a continuidade de moitas microempresas da comarca”
Os nacionalistas tachan a Rajoy e a Feijóo de “líderes de promesas incumpridas”
A Mariña, 22 de setembro de 2012. Unha delegación do BNG da Mariña encabezada pola candidata ás autonómicas do 21-0, Ana Ermida, mantivo unha xuntanza con profesionais autónomos da comarca para coñecer como lles está afectando a crise económica e algunhas das medidas aprobadas polo Goberno de Mariano Rajoy, así como para escoitar as reivindicacións do colectivo.
Segundo datos do Ministerio de Emprego, Lugo é a única provincia de Galiza na que no mes de xullo, e por segundo mes consecutivo, se produciu una redución do número de autónomos. Diminución que os nacionalistas entenden “continuará crecendo trala entrada en vigor, o pasado 1 de setembro, da suba do IRPF para autónomos até o 19 por cento”. Segundo Ana Ermida “esta medida súmase ás políticas de asfixia aprobadas polo Goberno de Rajoy contra aqueles sectores e colectivos que poden ser claves na recuperación económica. A suba do IRPF para autónomos máis a suba do IVE poñen en perigo a continuidade de moitos pequenos negocios da comarca, xa que as perdas para os autónomos superarán o 9 por cento dos seus ingresos, chegando, nalgúns casos, ao 20 por cento”.
Dende as filas nacionalistas reclaman á Xunta de Galiza e ao Executivo central “a posta en marcha de plans específicos que favorezan a cultura emprendedora e apoien aos autónomos para que estes poidan crear postos de traballo. Tanto Rajoy como Feijóo prometeron facilidades para este colectivo pero, unha vez máis, trátase de promesas incumpridas. Ambos dirixentes populares son líderes de incumprimentos programáticos; dín unha cousa e fan a contraria. Ademais, todas as medidas de ataque ás microempresas as anunciaron despois de citas electorais como a andaluza, e non hai dúbida de que tralo 21-0 o Goberno do Estado anunciará novos recortes e novas medidas de asfixia para os traballadores e pensionistas e se Feijóo é reelexido anunciará accións contrarias as que xa está prometendo e prometerá na campaña. Dados os seus antecedentes, esixímoslle que sexan honestos cos seus votantes e con toda a cidadanía e desvelen os seus programas ocultos”.
O tempo que tardan en cobrar por parte das administracións públicas galegas segue a ser un dos principais problemas dos autónomos, que teñen que esperar unha media de 87 días. Neste senso, a candidata do BNG insistiu en que “as pequenas empresas son un elemento central na creación de riqueza e, polo tanto, hai que artellar procedementos que faciliten o acceso e a transferencia de liquidez”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
