AXENDA ESIXENTE EN BARCELONA E ZARAGOZA, COA AUSENCIA DOS CAPITÁNS
A axenda laranxa incrementa as esixencias. O Burela FS Pescados Rubén disputará esta semana dobre xornada a domicilio, fronte ao FC Barcelona Alusport (mércores, Palau Blaugrana, 20.45 horas) e Umacón Zaragoza (venres 5, Siglo XXI, 21.00 horas), coa ausencia dos capitáns, lesionados. A Juanma, apartado das pistas por unha doenza costal dende hai un par de semanas, confirmóuselle unha hernia discal; o corpo médico decidirá nos próximos días o protocolo de tratamento. Tamén se está sometendo a diferentes probas Edu, co fin de concretar o alcance da lesión de xeonllo que sufriu no tramo final da cita ante o Triman, o sábado pasado.
O cadro mariñán, que chegou esta mañá á cidade Condal coa incorporación dos xuvenís Antón, Fabio e Erik na expedición, adiantará a 5ª xornada a mañá fronte “a unha das potencias mundiais do fútbol sala” segundo o cualificou Julio Delgado, que ocupa a terceira praza, tras as vitorias sobre Triman Navarra (3-2) e Zaragoza (4-0) e o empate co Santiago Futsal (1-1). O encontro poderá seguirse por Barça TV e Esport 3.
“Temos dúas citas moi difíciles esta semana. Somos realistas, pero tamén optimistas porque estamos medrando partido a partido e iso dános confianza para dar a cara ante calquera rival” expresou Julio. O técnico laranxa amósase satisfeito co rendemento dos mariñáns, na aclimatación á máxima categoría: “A sensación que nos quedou tras o sábado, ante os navarros, foi a do traballo ben feito; fixemos un partido moi completo, tanto en xogo coma en intensidade, aínda que o resultado non foi xusto. O marcador puido caer de calquera lado; nós apostamos polo porteiro-xogador porque o empate sabía a pouco e ao final escapóusenos” analizou o estratega.
Tras a dura proba en Barcelona, o Burela FS medirase na 4ª xornada a un rival que comezou a liga vencendo ao Marfil Santa Coloma (6-3), aínda que non lle deron tan ben nin o Triman (3-2), nin o Barça (4-0). “Ata o xoves, non pensaremos no Zaragoza, un encontro no que o maior hándicap será o desgaste, no terceiro partido en menos dunha semana”, puntualizou Julio Delgado, facendo referencia ao último asalto da semana.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
