EMMA ÁLVAREZ SUBLIÑA QUE EN LOURENZÁ “AS COUSAS FÁNSE CON SENTIDIÑO PORQUE SOMOS XENTE DE FIAR”. A ALCALDESA RESPOSTA ASÍ AS DECLARACIÓNS FEITAS POLO DEPUTADO PROVINCIAL SOCIALISTA MANUEL MARTÍNEZ.
Lourenzá, 6 de outubro de 2012. A alcaldesa de Lourenzá, Emma Álvarez, resposta ás manifestacións realizadas nas últimas horas polo deputado provincial socialista Manuel Martínez sobre un vial onde o Concello fixo esta semana unha reparación de urxencia, aínda que considera que é titularidade da Deputación Provincial. Emma Álvarez explica que no Concello laurentino “fanse as cousas con sentidiño e somos xente de fiar, que cumprimos a palabra dada e os acordos plenarios. E como el ben sabe, aínda que non o diga, hai un acordo do pleno da Deputación do ano 2006, no que se facía cargo desta carretera a cambio de que o Concello se facía cargo dun tramo máis pequeno por ser máis rural”.
Álvarez tamén lle replica a Martínez que “non somente son acordos de palabra, posto que hai documentación, que lle ensinei na reunión da pasado martes, na que se di claramente que por parte da Deputación de Lugo xa se pasou esta carretera á rede de estradas provincial. Ademais el mesmo me facilitou unha copia do borrador do convenio encabezado polo señor Besteiro e o señor Vidal”.
A alcaldesa de Lourenzá tamén lembrou que a Deputación rexenerou un 80 por cento da estrada e estivo ocupándose do seu mantemento durante tempo.
Polo tanto Emma Álvarez afirma que “aquí o único que falta é vontade política para asinar o convenio, aquí os que fallan son os socialistas, que queren dar un trato discriminatorio a un concello gobernado polo Partido Popular”.
A rexedora municipal rematou anunciando que “non obstante, esta estrada será arranxada definitivamente na semana que ven e despois seguiremos loitando dende o Concello para que a titularidade da mesma por parte da Deputación se acredite de xeito formal, incluso a través do xulgado, si é necesario chegar a elo”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
