JORQURA ACUSA A RAJOY DE VIR A GALIZA A INSULTAR A INTELIXENCIA DOS GALEGOS POIS A HERDANZA QUE DEIXA FEIJÓO É A DUN PAÍS CASE EN RUÍNAS E ENDEBEDADO
O candidato nacionalista salienta que existe unha ampla maioría social que demanda un cambio de goberno, por iso anima a concentrar o voto no BNG
Ribadeo, 6 Outubro 2012.- O candidato do BNG á presidencia da Xunta, Francisco Jorquera, lamentou esta tarde noite nun mitin en Ribadeo que nin Feijóo nin Rajoy se comprometeran a actualizar as pensións, “o que demostra que Feijóo asumiu que logo do 21-O Rajoy vai recortalas e agora cala como un peto”.
Jorquera criticou que Rajoy veña a Galiza a dicir que con Feijóo Galiza capeou mellor a crise e preguntouse a quen llo di, “ás 113.000 persoas que engrosaron as listas do paro; aos 60.000 mozos e mozas que tiveron que emigrar; aos máis de 3.000 gandeiros que pecharon as súas explotacións ou aos máis de 5.000 pequenos empresarios que liquidaron os seus negocios?”.
Para o candidato nacionalista, Rajoy insulta a intelixencia dos galegos e galegas e non coñece en absoluto este País, “a única Galiza que coñece é a da praza de touros de Pontevedra mentres fuma un puro porque a herdanza que realmente deixa Feijóo é a dun País case en ruínas”.
Jorquera pediu o voto para o BNG porque neste escenario Galiza precisa un cambio radical, necesita iniciar un novo tempo político que mude o modelo de Feijóo, que só defende os intereses dos poderosos, por un modelo que priorice as políticas para a xente, para a defensa da súa sanidade, do seu ensino, do emprego e do seu benestar.
Autonomía fiscal
O candidato do BNG considera que para que este cambio sexa posíbel e para poder facer frente aos recortes é fundamental que Galiza teña autonomía fiscal, que poida recadar máis recursos “e frear a espiral de endebedamento á que nos abocou Feijóo”.
Jorquera animou a participar masivamente nestas eleccións porque xa existe unha clara maioría social a favor de abrir unha nova etapa política en Galiza e así o demostra, por exemplo, o estudo do CIS, que di que o 49 por cento dos galegos está a favor dun cambio de goberno frente ao 31 por cento que é partidario da continuidade de Feijóo.
“O BNG é hoxe unha forza en ascenso que sintoniza con esa maioría social –dixo-. O BNG dá voz en campaña a esa maioría social e cada día que pasa resulta máis evidente que o PP ten as eleccións perdidas se concentramos os votos nacionalistas e de esquerdas no BNG. En bloque podemos”.
Cosme Pombo
O cabeza de lista do Bloque Nacionalista Galego ao Parlamento Galego pola provincia de Lugo, Cosme Pombo, chamou ao PP “Partido do Paro” e afirmou que os datos de desemprego demostran que as políticas de recortes do Partido Popular “non levan a ningún sitio”.
Cosme Pombo calificou de “mentirán” a Feijóo por ter prometido en 2009 acabar co paro en 45 días e deixar a Galiza tres anos despois con 110.000 parados máis. O cabeza de lista do Bloque por Lugo explicou que cando Feijóo chegou á Xunta había 162.000 persoas en situación de desemprego, cando hoxe son xa máis de 275.000. Na provincia de Lugo, dixo, a día de hoxe máis de 25.000 persoas están sen traballo, cando hai tres anos eran 17.000.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
