ERMIDA PIDE O VOTO PARA O BNG PARA QUE GALIZA TEÑA UN GOBERNO QUE NON SEXA CÓMPLICE DAS PATRONAIS E DAS GRANDES FORTUNAS
A candidata nacionalista insiste en un goberno do BNG é garantía de apoio aos traballadores autónomos e ás pequenas e medianas empresas
“É preciso cambiar as regras de xogo da administración galega para garantir unha relación xusta e equilibrada entre os traballadores e as patronais”
San Cibrao, 8 de outubro de 2012. A candidata número tres do Bloque Nacionalista Galego ao Parlamento de Galiza pola provincia de Lugo, Ana Ermida, participou, esta tarde, nun mitin en San Cibrao, no que estivo acompañada de Xoán Estúa, vicerresponsábel da formación na Mariña, e Bernado Fraga, portavoz nacionalista en Viveiro, e no que denunciou a “insensibilidade do Partido Popular cos traballadores e traballadoras galegas”.
Ermida centrou a súa intervención “na oportunidade que o 21-O brinda a todos os galegos e galegas para elixir ser gobernados e gobernadas por dirixentes que non sexan cómplices das patronais e do desemprego. Este país precisa un cambio político, merece un goberno que non aprobe todos os expedientes de regulación de emprego que recibe e que, en moitos casos, son consecuencia da falla de actuación do propio executivo pola súa nula perspectiva e pola inexistencia de plans específicos para sectores que deberán ser clave para garantir o futuro de Galiza”.
“A actual situación amosa tamén –continuou a candidata nacionalista- a necesidade dun goberno responsábel que defina relacións xustas e equilibradas entre os traballadores e as traballadoras e as patronais. Levamos case catro anos dirixidos polo Partido Popular, catro anos nos que claramente a Xunta se posicionou ao carón das patronais en lugar de actuar como salvagarda dos intereses dos máis débiles que, neste caso, son o traballadores e traballadoras”.
Dende o BNG apostan por unas novas regras de xogo para que a administración galega free os ataques do Executivo de Rajoy en contra dos autónomos e das PEMES. “Durante a lexislatura que vén de rematar, o Partido Popular preferiu apoiar, a través do IGAPE, proxectos nada viábeis e abocados ao fracaso, ao tempo que rexeitou proxectos de PEMES e autónomos viábeis que non puideron ser implementados por falla de liquidez”.
Ermida rematou a súa intervención pedindo o voto para o BNG a todos os veciños e veciñas de San Cibrao para “lograr a oportunidade de xestionar os recursos, a riqueza e a calidade de Galiza en función dos intereses dos galegos e galegas e non das grandes empresas. Co BNG no goberno da Xunta poderanse desenvolver todas as capacidades produtivas do país a través do apoio aos autónomos e as pequenas e medianas empresas galegas”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
