TEATRO INFANTIL E PARA ADULTOS TANTO PROFESIONAL COMA AFECCIONADO E MÚSICA COMPOÑEN A OFERTA CULTURAL DO CONCELLO DE RIBADEO PARA O ÚLTIMO TRIMESTRE DO ANO.
Ribadeo, 10 de outubro de 2012. Esta mañá presentóuse a programacion cultural do Concello de Ribadeo para o último trimestre deste 2012. A cultura chegará ás parroquias de Cedofeita, Rinlo, Vilaselán ou Santalla. Haberá teatro infantil e teatro profesional e afeccionado para adultos. Neste ámbito a presentación do Grupo de Teatro de Ribadeo terá lugar na vila no mes de decembro. O programa inclúe o festival de jazz que haberá o 3 de novembro e no que se darán cita moitos artistas “que non temos moitas ocasións de ver”, segundo a técnica de Cultura.
Neves Paz sinalou que “nestes tres últimos meses do ano tentamos como vén sendo habitual conxugar a atención á oferta cultural para todas as idades coas actividades non só na vila senón tamén nas parroquias do rural. Así, este venres, aproveitando as habituais xuntanzas veciñais na carpa que teñen onda a escola os veciños e veciñas de Cedofeita, o actor Pepe Penabade interpreta o seu papel do afiador Rodesindo da Barrosa. Será a partires das once da noite”. Máis adiante, en Rinlo haberá unha obra de teatro para nenos co grupo Metátese, en Vilaselán terá lugar un concerto de Marosa Jazz, a Remourelle irá o mago Richard e en Santalla tocará o grupo de boleros Canere Son. A técnica de Cultura do Concello de Ribadeo dixo que “son espectáculos de pequeno formato que agardamos estender ao resto das parroquias conforme comece o ano vindeiro”.
A programación cultural ribadense inclúe, coma sempre, un apartado para os nenos e nenas que terán teatro. As compañías son Babaluva, O Elefante Elegante e Baobad. “Queremos recalcar que esta última vai representar un espectáculo para pequenos de 0 a 6 anos. Así que convidamos especialmente aos pais e nais de bebés, que en Ribadeo son moitos, para que estean atentos á convocatoria xa que non sempre é posible traer obras de calidade adaptadas a estas idades”, seguiu a relatar Neves Paz. Outra cita fixa desde que se recuperou a tradición é a celebración do Samaín o 1 de novembro. A preparación das cabazas será na sala do parque como vén sendo habitual. A técnica de Cultura subliñou que “atendendo á moita demanda desde que hai 3 anos actuaran aquí grazas ao interese dos colexios dános moito gusto anunciar que no Nadal haberá un concerto do grupo Mamá Cabra. O prezo da entrada para todas estas actividades no auditorio é de 2 euros e medio”.
A música estará moi presente na axenda cultural de Ribadeo para o último trimestre do ano. Neves Paz explicou que “agrupamos esta oferta baixo o título de Músicas Posíbeis porque efectivamente son concertos de moita calidade, con artistas que non temos moitas ocasións de ver. É o caso do Festival de Jazz que vai ter lugar o 3 de novembro e no que actuarán Julie Gurovich e Victor Aneiros Blues Band, e RJ Miller, Javier Colina e Albert Sanz Trio. O cartel musical deste outono-inverno complétano Jazzologia, Os Folkgazais e Fernández e Quintá. Propoñemos tamén unha cita especial, organizada polo CIM e os centros de ensino, que vai consistir nunha charla concerto da cantante Sés”. A maiores a oferta musical complétase, coma sempre, cos concertos da Banda Municipal e cos organizados pola Coral Polifónica de Ribadeo como é o de Panxoliñas o 22 de decembro.
O teatro tamén ten o seu oco en Ribadeo. A técnica de Cultura indicou que “en teatro profesional temos a Teatro do Atlántico, que xunta nesta ocasión a catro grandes actrices na función Algún día traballaremos xuntas. A compañía Espello Cóncavo recupera unha montaxe coa que xa colleitaran moito éxito hai anos, Tres no bambán, e moi cerca xa do día de Nadal recibimos a visita do Profesional, a última proposta do Centro Dramático Galego”. E engadiu que “este ano comezou a andaina o Grupo de Teatro de Ribadeo, dirixido por Toni Deaño. A través do proxecto Buxiganga da Deputación de Lugo que está a levar funcións a todos os concellos da provincia, o GTR estreará Lisístrata, de Aristófanes, no Pastor Díaz de Viveiro e logo terá tamén funcións en Riotorto e Barreiros. A posta de largo Ribadeo será en decembro. Recomendamos acudir á estrea porque é unha comedia onde se defenden valores tan importantes nas sociedades modernas como o pacifismo e o feminismo. Aproveitamos tamén para dar as grazas aos actores e actrices participantes e tamén, xunto co director Toni Deaño, á axudante de dirección Alicia Sarmiento, á encargada de vestiario Carmen Díaz e aos integrantes de Sonda Norte Héctor Peña e Fernando Couto que se van encargar do decorado”.
Neves Paz convida “a todas as persoas a unha presentación especialmente emotiva para nós que vai ter lugar este sábado no auditorio. Ás 8 da tarde preséntase o libro Da Capo. Una historia real, de Adriana Aramburu Peña e da obra musical do mesmo título, composta por Juan Lois Diéguez e que interpretará a Banda de Música Municipal de Ribadeo”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
