Trafego de refugallos MARPOL en instalacións clandestinas coa conivencia da Xunta
13 de outubro de 2012. ADEGA vén de subscribir unha denuncia diante da Fiscalía Ambiental do TSXG pola presunta situación ilegal de varias instalacións de tratamento de aceites usados, incluidos residuos MARPOL, pertencentes á empresa Ingaroil SL no polígono das Somozas. Ao parecer dende 2002 están en funcionamento 3 depósitos para o almacenamento de aceites, e unha balsa de vertido, sen as preceitivas autorizacións de Industria. Asemade, estarianse emitindo directamente á atmosfera gases tóxicos procedentes de evaporadores non declarados. Dáse a circunstancia que Ingaroil SL “herdou” unha AAI (Autorización Ambiental Integrada) de Portvigo SL sen que a Xunta verificara tanto validez da AAI da empresa cedente como a súa aplicabilidade á nova. Outro exemplo da política do “ti vai facendo” con efectos non só no ambiente e na saúde, senón tamén no erario público pola merma de tributos e taxas.
O grupo Ingaroil SL é titular dunha planta de tratamiento e valorización de residuos no concello das Somozas (A Coruña) e ostenta unha Autorización Ambiental Integrada (AAI) da que non era orixinariamente titular, senón que foille “transmitida” da empresa Portvigo SL en abril de 2010. Porén, esta transmisión non foi sometida a exposición pública, nen publicada no DOG, e non consta que Industria ou Calidade e Avaliación Ambiental verificaran se as instalacións da empresa receptora cumprían coas características e condicións declaradas na AAI orixinal.
Deste xeito, tres depósitos para o almacenamiento de aceites usados e residuos Marpol tipo C (refugallos de sentinas, depuradoras de combustíbel e aceite de motores) ubicados nas instalacións de Ingaroil SL nas Somozas carecen de autorización e control por parte de la Xunta. Asemade, neste centro existe outra balsa separadora que non figura no proxecto, nin na relación de equipas recollidas na AAI, polo que tamén está en situación ilegal.
As condicións da AAI (herdada) obrigan tamén á empresa a desenvolver un programa de control de emisións, mais Ingaroil só declara emisións á atmosfera porcedentes de dous evaporadores cando nas súas instalacións existe un terceiro (denominado “liña 500”) evaporando directamente á atmosfera sen pasar polo condensador. Adicionalmente, existe tamén na zona de descarga de camións outro evaporador sen o preceitivo condensador (que curiosamente tampouco figura na AAI) e portanto emitindo directamente ao ar.
Fronte a este cúmulo de irregularidades e ilegalidades, a Xunta decidíu mirar para outro lado. E non só iso: En marzo deste ano Portos de Galiza adxudicou a Ingaroil SL un contrato negociado sen publicidade de 366.000€ para a recepción e recolla de refugallos MARPOL e portuarios. En resumo: Faise a vista gorda e permítense instalacións ilegais e contaminantes que ao non existir oficialmente, tampouco pagan tributos nen taxas e aínda como agasallo, reciben contratos públicos. A austeridade de Feijóo por riba de todo!
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
