Voluntarios de Alcoa constrúen unha zona de recreo para os veciños de Lago
Voluntarios de Alcoa San Ciprián constrúen mañá, 19 de outubro, unha zona de xogos, deporte e esparexemento para os veciños da parroquia de Lago en colaboración coa Asociación de Festexos A Granda. Esta actividade solidaria conta co respaldo de Fundación Alcoa, que por terceira vez doa 3.000 dólares a esta entidade sen ánimo de lucro, como mostra do respaldo de Alcoa á colaboración solidaria dos seus empregados.
Os voluntarios transformarán un espazo sen uso, próximo ao centro social de Lago, en zona acondicionada para xogos, deportes e esparexemento veciñal. Para iso, plantarán un sebe de túas, árbores de vistoso follaje da familia dos cipreses, ao redor da zona para illala da estrada e evitar riscos de accidentes dos nenos. Ademais, recuperarán o mobiliario dun antigo merendero en desuso, colocarán bancos de pedra e plantarán seis carballos.
Unha vez completadas as tarefas, o espazo quedará habilitado para uso e goce dos veciños desta parroquia de Xove. Tanto Fundación Alcoa como os voluntarios de Alcoa veñen colaborando en distintas actividades coa Granda, como a limpeza do río Regueira ou a restauración da Fonte do Rei en Lago, achegando tanto o seu traballo e habilidades como axudas económicas da fundación que ascenden a 9.000 dólares.
A Asociación de Festexos A Granda conta cuns 250 socios, veciños da parroquia de Lago, onde organiza as festas patronais e eventos como a gran sardiñada, ademais doutras actividades en beneficio da comunidade. A Granda desempeña na actualidade un labor esencial na cohesión social da parroquia de Lago.
Con esta actividade, os voluntarios da fábrica de Alcoa en San Ciprián continúan o programa de actividades do Mes do Voluntariado que a compañía celebra en todo o mundo no mes de outubro e no que se intensifican as actividades solidarias dos traballadores. O programa dos voluntarios de San Ciprián inclúe o axardinamento dos arredores da sede social da Asociación de Vecinos de Lieiro, o acondicionamento das instalacións do taller de carpintería da Asociación de Axuda Enfermo Mental de Burela, e unha campaña de doazón de sangue, ademais da creación desta zona de recreo na parroquia de Lago.
Fundación Alcoa susténtase dos seus propios activos financeiros e non dos beneficios de Alcoa. O seu principal obxectivo é mellorar a calidade de vida nas comunidades nas que a compañía está presente. Alcoa promove e apoia o voluntariado solidario e a acción social na comunidade dos seus empregados, para o que conta con programas específicos, os plans Acción e Bravo.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
