O Campionato de Tute reunirá a 7 equipos conformados por un total de 60 persoas
-Os enfrontamentos comezarán o día 6 de novembro e terán lugar todos os martes e xoves, rematando antes do Nadal
Cervo, 23 de outubro de 2012-A participación para o XVIII Campionato de Tute Concello de Cervo mantense estable con respecto ao ano pasado. Un total de 7 equipos están confirmados nesta nova edición, o que supón que serán preto de 60 as persoas que competirán neste torneo, tendo en conta que cada equipo está formado por catro parellas.
Onte pola tarde tivo lugar a reunión de presentación dos quipos, unha xuntanza na que estiveron o alcalde, Alfonso Villares, os representantes dos establecementos hostaleiros vinculados a cada equipo, así como o coordinador da organización, Félix Fernández. Un encontro no que se deron detalles sobre o campionato e se anunciou o comezo dos enfrontamentos, fixado para o día 6 de novembro. As partidas xogaranse dende ese momento todos os martes e xoves a partir das 19:30 horas.
Os equipos que participarán nesta edición son: O Castelo, Mesón da Ría, Pizzería O Trasgo, Paulino, O Pedregal, Río de Oro e Camarote, e os enfrontamentos disputaranse nos propios establecementos de restauración. Este era precisamente un dos requisitos para poder inscribirse, contar cun local dispoñible para xogar as partidas, xa fose dunha asociación, dun club, ou dun bar ou restaurante do concello.
Neste caso, todos os equipos están adscritos a un local de restauración, co cal se cumpre un dos obxectivos desta cita cos naipes, como é “contribuír a dinamizar o sector hostaleiro de Cervo, onde se reunirán as parellas para xogar as súas partidas, dándolle vida e actividade aos locais” explica o rexedor. Ao mesmo tempo, este campionato tamén ten unha compoñente de “socialización, xa que fomenta as relacións e a convivencia dos xogadores, que comparten momentos de diversión e entretemento” remata Villares.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
