O presidente en funcións da Xunta avanza que se está a traballar xa nos orzamentos autonómicos do ano 2013 e garante a prioridade de finalizar o corredor Lugo-Sarria-Monforte e de rematar as grandes infraestruturas en marcha
FEIJÓO DESTACA A POSTA EN FUNCIONAMENTO, NESTA LEXISLATURA, DE 100KM DE VÍAS DE ALTA CAPACIDADE, “UN TERZO DO TOTAL NA PROVINCIA DE LUGO”
“Deses 100km novos de vías de alta capacidade, 32km se puxeron a disposición na provincia de Lugo para vertebrar o interior de Galicia; estamos, en consecuencia, deixando patente o que intentamos desde o principio da lexislatura, apostar polo interior, polo equilibrio territorial”, afirma
Lembra que a Xunta, con 3.000 millóns menos, está facendo investimentos en obra nova cando outras comunidades teñen dificultades para pagar o gasto corrente, para atender as nóminas e o pago ás farmacias
Santiago, 26 de outubro de 2012.- O presidente en funcións da Xunta, Alberto Núñez Feijóo, subliñou, hoxe, durante a apertura do treito Sarria-Noceda, a posta en funcionamento, nesta lexislatura, de 100Km de vías de alta capacidade, “un terzo do total na provincia de Lugo”. “Deses 100 quilómetros novos de vías de alta capacidade, 32 quilómetros se puxeron a disposición na provincia de Lugo para vertebrar o interior de Galicia. Estamos, en consecuencia, deixando patente o que intentamos desde o principio da lexislatura, apostar polo interior, polo equilibrio territorial”, aseverou.
O responsable do Goberno autonómico afirmou, así, que este novo treito, xunto a infraestruturas como a circunvalación de Sarria, a Rolda Leste de Lugo ou a estrada entre Viveiro e Cabreiros, entre outras, contribúen a formar “esa Galicia única, vertebrada, na que o 80% da poboación ten que estar a menos de 10 minutos dunha vía de alta capacidade”.
Logo da apertura deste treito, e “a pesar de que sabemos que van ser aínda anos difíciles”, Feijóo avanzou que se está a traballar xa nos orzamentos autonómicos do ano 2013 e garantiu a prioridade de finalizar este corredor Lugo-Sarria-Monforte e de rematar as grandes infraestruturas en marcha, “mantendo a conservación dos miles de quilómetros de estradas que ten a Xunta no ámbito da súa competencia”.
O titular da Xunta fixo fincapé en que coa posta en funcionamento do novo treito “abrimos 7 quilómetros de futuro”, cun investimento de máis de 50 millóns de euros, contribuíndo á vertebración da provincia de Lugo e do interior de Galicia cun eixe norte-sur de calidade e seguridade viaria. “Un novo trazado que saca tráficos de longo percorrido do centro das vilas, contribuíndo á mellora da mobilidade de condutores e peóns e que permite un aforro de combustible, dado que hai un 10% menos de trazado”.
Así mesmo, incidiu no compromiso, “a pesar das dificultades”, de finalizar o mapa de estradas de altas prestacións na comunidade. “E por iso –precisou- este treito supón unha continuación do corredor Lugo-Sarria, onde os galegos investimos 100 millóns de euros e que continuará cos treitos que están neste momento en execución ata conectar Monforte con Sarria, Sarria con Lugo; un investimento total finalizando o corredor que chegará a 250 millóns de euros”.
Feijóo concluíu lembrando que este feito ten unha relevancia excepcional nos momentos de crise económica. “A Xunta, con 3.000 millóns menos, está facendo investimentos en obra nova cando outras comunidades teñen dificultades para pagar o gasto corrente, para atender as nóminas e o pago ás farmacias. Galicia ten capacidade para atender o gasto corrente con normalidade; non ten que pedir diñeiro ao fondo de liquidez nin aos préstamos ICO que pon a disposición o Goberno de España, senón que ten capacidade para seguir abrindo obra nova. E isto é un éxito colectivo dos galegos”.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
