Cervo celebrará unha festa de Samaín infantil con música, xogos e un desfile de disfraces
-O Concello convoca un concurso de debuxo para nenos e nenas de 3 a 11 anos incluído no Outono Cultural
Cervo, 31 de outubro de 2012-A Concellería de Cultura traballa xa na preparación da festa de Samaín dirixida ao público infantil que terá lugar este sábado día 3 ás 18:00 horas na Casa do Mar de San Ciprián. Unha actividade na que os nenos e nenas poderán participar en numerosos xogos, bailes e un desfile de disfraces no que todos os pequenos que acudan caracterizados como algún personaxe terrorífico poderán lucir os seus traxes.
Durante a xornada, o salón de actos da Casa do Mar estará engalanada para a ocasión, con motivos de medo e de terror e, ao mesmo tempo, haberá ambientación musical para crear unha atmosfera festiva. Os cativos e cativas tamén recibirán larpeiradas para facer máis doce a velada.
Ademais deste Samaín, aberto a todo o público infantil, o PAI tamén celebrará a súa propia festa. Será este venres, ás 18:00 horas e nela participará o alumnado, pais, nais e demais familiares. Durante a festa, o centro estará decorado e os cativos participarán nun obradoiro de confección de caretas con forma de cabaza.
Concurso de debuxo
Estas festas de Samaín son dúas das moitas actividades que forman parte do Outono Cultural, ao igual que o I Concurso infantil de debuxo “A Castaña”, dirixido a nenos e nenas de entre 3 e 11 anos. As bases deste certame xa se fixeron públicas e establecen que a temática principal dos debuxos debe ser a castaña. Cada alumno poderá presentar unha única ilustración, de técnica libre e en folio ou cartolina tamaño DIN-A 4.
O prazo para presentar os debuxos está aberto ata o día 9 de novembro e poderanse entregar na Casa da Cultura ou na Casa do Concello. En canto aos premios, hai fixados tres agasallos, un para a categoría de 3 a 5 anos, outro para os cativos de 6 a 9 anos e outro para os rapaces de 10 a 12 anos. Un xurado composto por tres persoas será o encargado de elixir os traballos gañadores.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
