Viveiro. 05 de novembro de 2012. O Grupo Municipal do BNG, reafírmou esta mañá a súa posición en contra da subida das taxas e impostos municipais, que defendeu no pleno do pasado mércores, e nesa mesma postura seguiremos no futuro.
“Dende o BNG, cremos que a súbida das taxas, limita o poder adquisitivo das veciñas e veciños, e failles pagar a estes a factura dunha nefasta xestión da economía municipal nos últimos anos, tanto de gobernos populares como socialistas, que levou ao Concello a unha débeda superior aos 15 millóns de euros e ao conseguinte Plan de Axuste. As veciñas e veciños de Viveiro, viron nos últimos meses como se lles subiu o IVE, o IRPF, o IBI por parte do goberno central, medidas que provocan menos consumo, menos poder adquisitivo, o que da lugar a máis paro e máis recesión, non é xusto que teñan que pagar todos por igual unha situación de crise economica que non provocaron”
“O BNG de Viveiro, considera que o Alcalde, é o menos indicado para falar do cumprimento da legalidade, cando se atopa imputado na actualidade, en varios procedementos xudiciais. Procedementos que lle custaron ás veciñas e veciños de Viveiro, tan só en facturas recibidas de procedementos anteriores nos cinco primeiros meses do ano 2012 un total de 155.000 euros, máis da metade do que se recadaría pola suba das taxas. O Alcalde debería poñerse a gobernar e deixarse de seguir arruinando ao concello coa xudicializacion da vida municipal.
“Xa está ben de intentar evadir a responsabilidade de cada un, un dos grandes culpables da situación na que se atopa a facenda municipal é do actual Alcalde, coa súa nefasta xestión económica. O experto en botar balóns fora, nin sabe, nin quere poñer fin a unha política de gasto desmesurado e sen control”
“O BNG de Viveiro, como afirmamos no pleno, non vai aprobar ningunha modificación de taxas e impostos, mentras que Viveiro non conte cuns orzamentos municipais actualizados, documento fundamental que establece a política económica dun goberno. Esta sería a única mostra, por parte do goberno socialista, de que realmente desexan cumprir o plan de axuste e non manter a pésima política económica actual”.
Por último, o BNG pídelle ao Alcalde que sexa riguroso nas cifras, cando se trata de diñeiro público, que non é del, senón de todas as veciñas e veciños de Viveiro. O total que se deixa de recadar, no ano 2013 ao non subirse as taxas municipais, supón aproximadamente 308.000 euros(178000 da depuradora e 130.000 de taxas e impostos), moi lonxe dos 600.000 euros que declarou a pasada semana. Sen orzamento de ingresos e gastos riba da mesa é imposible valorar, se é precisa a subida das taxas e impostos, para manter os servizos municipais, como afirma o rexidor.
Grupo Municipal do Bloque Nacionalista Galego de Viveiro.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
