TEATRO E EXPOSICIÓNS CENTRAN A PROGRAMACIÓN CULTURAL DE OUTONO DO CONCELLO DE BURELA.
Burela, 5 de novembro de 2012. Teatro profesional, teatro afeccionado para adultos e para nenos e nenas e exposicións centran a programación cultural de outono do Concello de Burela que foi presentada esta tarde no concello pola edil Mónica Pedre e o alcalde, José Mª González Barcia.
Pedre explicou que “teremos teatro profesional xa o 16 de novembro ás 21:00 horas. En Burela estará Quequé, cun monólogo titulado Sesión Golfa. Este monologuista compartiu plató con Eva Hache, traballou para Paramount Comedy e tamén no Clube da Comedia. O seu espectáculo é de humor para adultos, onde o protagonista non dubida en rirse de todo, incluso de sí mesmo”.
A concelleira de Cultura sinalou que “este outono apostamos polo teatro afeccionado, potenciando o teatro de compañías de Concellos veciños. En primeiro lugar temos xa este venres, 9 de novembro, ás 21:00 horas o grupo de teatro A Adala de Fazouro coa obra titulada Atoados, dirixida por Francisco Piñeiro. O 23 de novembro tamén ás 21:00 horas temosa o grupo de Alfoz Raiolas, que farán a dramatización da obra O Chufón e estarán dirixidos por José Vázquez Peinó. Para rematar as obras de novembro para adultos teremos o día 30 ao grupo de teatro O Bordelo de Cervo, que levarán a escena a obra Fume de carozo, ás 21:00 horas no auditorio da Casa da Cultura”.
Mónica Pedre seguiu a relatar que “tamén en novembro, pero para o público infantil contaremos co grupo Alentía Teatro de Palas de Rei, que porán en escea a obra O bosque da poesía, do Proxecto Buxiganga, esta obra será ás 18:00 horas o sábado 17 de novembro. E en decembro contaremos co grupo de teatro Ardora de San Cibrao, que estarán na Casa da Cultura de Burela ás 21:00 horas do día 14, que representará Acernos”.
A programación cultural de outono do Concello de Burela inclúe diferentes exposicións, que poderán visitarse en horario de 10:00 a 13:30 horas e de 17:00 a 20:00 horas de luns a venres e os sábados de 18:00 a 20:00 horas.
Mónica Pedre indicou que “desde o pasado venres e ata 29 de novembro poderase visitar na Sala de Arte da Casa da Cultura unha exposición de H. Xeada, unha obra que leva por título Xeada en su mundo. Dita obra consta de 20 cadros, elixidos polo artista nado en Adelán. Esta colección que presenta tardou en pintala un ano e nela hai un cadro adicado ao torques de Burela. Desde hoxe e ata o 9 de novembro contamos coa exposición Aves de Galicia, organizada pola Concellería de Medio Ambiente e para rematar do 16 de novembro ao 14 de decembro podemos visitar a exposición de Antonio Robalo, que leva por título Despertar”.
Pedre e González Barcia animan “aos veciños e veciñas de Burela a disfrutar da programación cultural que elaboramos para este outono de 2012”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
