Ribadeo 1-2 Cidade de Ourense
O Cidade de Ourense foi outro dos equipos da liga galega feminina que levou os tres puntos de Ribadeo (1-2) sen un claro merecemento. As mariñás, que deron a cara durante todo o partido e con moi boa nota, buscaron a vitoria que se lles vén negando desde o inicio da competición, ante un experimentado Cidade de Ourense, filial do Ponte Ourense e recentemente descendido da Segunda División.
O enorme desgaste físico do escaso cadro de Martínez afanou a afección ribadense co seu equipo, que demostrou, a pesar da súa xuventude, estar á altura dos máis potentes desta categoría. Só o remate final o está privando de sumar vitorias que se lle escapan por moi pouco.
Adiantáronse as de Ourense no minuto 5 ao perforar Olga a portería de Vanessa nunha desafortunada xogada de Ana, que entregou un balón á visitante na mesmísima frontal da área. Este gol non rompeu os plans das ribadenses, que acosaron unha e outra vez as inmediacións da excelente porteira visitante Bárbara, gran responsable da vitoria do seu equipo, salvando ocasións como a que dispuxo Ana minutos máis tarde nun man a man contra a meta.
Na segunda metade, as ribadenses máis mentalizadas aínda das súas posibilidades, seguían buscando o gol. Transcorreran tan só 2 minutos da continuación, cando Ana, nesta ocasión si, conseguiu bater a Bárbara por raso. Oportunidades non lles faltaron ás de Martínez para dar a volta ao marcador; unha e outra vez, Eva, Elvira, Ana, Sabela… non foron capaces de rematar a un rival que se viu sorprendido pola reacción das locais.
Como vén sendo habitual, o castigo para as ribadenses chegou a falta de cinco minutos nunha contra visitante; María bateu de novo a Vanessa. Era o 1-2 definitivo que mantén as da Mariña na penúltima posición da clasificación.
O Ribadeo intentará traer algo positivo de Poio a próxima xornada, onde deberá medirse a outro dos equipos filiais desta categoría.
Ficha técnica
Ribadeo FS: Vanessa, Ana (1), Toñi, Elvira e Helena, cinco inicial; tamén xogaron Eva, Sabela e Carla Bolaños.
Cidade de Ourense FS: Bárbara, Teresa, Olga (1), Noemí e Paloma, cinco inicial; tamén xogaron María (1), Soraia, Marta e Clara.
Árbitros: Javier Menéndez Nistal e Javier Mogo Torrado, da delegación de Lugo. Mostraron cartón amarelo ás locais Ana e Sabela e a Soraia polas visitantes.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
