Dende a Comisión Executiva do PSdG-PSOE de Burela e despois de manter unha xuntanza no día de onte onde se analizou o “sablazo” que o equipo de goberno de Burela lle da ós nosos veciños coa subida de impostos, e tralas queixas que estamos a recibir dos propios veciños, queremos manifestar:
1º.- Que unha vez máis o alcalde de Burela e o seu equipo de goberno demostran a falla de sensibilidade que ten con todos aqueles veciños ós que lles custa chegar a fin de mes cunha subida xeralizada de impostos que dende o PSdG-PSOE vemos totalmente desproporcionada nos tempos que estamos a vivir. Unha subida de cerca dun 4% en moitos deles, que entendemos que fará que moitos veciños vaian a pasar verdadeiros dramas para poder pagar as súas facturas a fin de mes.
2º.- Esta subida de impostos non só afectará á maltreita economía familiar senón que tamén penalizan ós comerciantes e perxudican o turismo, así como a creación de novas empresas e negocios.
3º.- Dende o PSdG-PSOE tamén queremos criticar a falla de diálogo do equipo de goberno coa oposición neste asunto que lle complicará tanto a vida a moitos veciños, e non se dignara a sentarse a tratar este asunto para que a oposición puidera dar alternativas a este “sablazo” que o Sr. Barcia lle mete ós veciños de Burela. Dende o PSdG-PSOE entendemos que “o que máis ten, máis ten que pagar” e o alcalde tivo na súa man o poder subir as taxas con este criterio e non quixo, ou non lle interesou.
4º.- Tampouco podemos entender como o Sr. Barcia no Plan de Axuste que lle remite ó Ministerio de Facenda, indica subidas de taxas dun 2%, e á hora da verdade duplica estas subidas. Entendemos que o Sr. Barcia debería de explicarlle isto ós veciños de Burela.
5º.- Dende o PSdG-PSOE de Burela solicitámoslle ó Sr. Barcia, que ante a falla de traballo e de xestión que demostra día tras día este equipo de goberno, e ante a incapacidade de traer inversións e servizos para o noso pobo, o que debería de facer o Sr. Barcia e sacar algunha das adicacións exclusivas, recortar en soldos, dietas e gastos varios (comilonas e pincheos) que nos costa ós veciños de Burela máis de 120.000 euros (20.000.000 das antigas pesetas ó ano) e deixar respirar ós veciños que bastante teñen con chegar a fin de mes.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
