CERVO .- O Concello de Cervo achaca a “desidia” da consellería de Cultura que non se iniciara a recuperación de Sargadelos dos danos causados polo ciclón Klaus. Desde o Concello piden desculpas aos “visitantes que puideran ter interese en achegarse a este espacio de gran importancia histórica, natural e turística nestes días festivos de Semana Santa”.
NOTA DE PRENSA
Desde o Concello de Cervo piden desculpas aos veciños e visitantes que puideran ter interese en achegarse a este espazo de gran importancia histórica, natural e turística nestes días festivos de Semana Santa
A DESIDIA DA CONSELLERÍA DE CULTURA Á HORA DE OUTORGAR A AUTORIZACIÓN RETRASA O INICIO DAS OBRAS DE RECUPERACIÓN DO CONXUNTO HISTÓRICO ARTÍSTICO DE SARGADELOS
• O Goberno municipal entende que non hai vontade por parte da Xunta bipartita por acometer con urxencia a recuperación deste espazo gravemente danado como consecuencia do ciclón Klaus, en xaneiro deste ano
• Pese as xestión do Concello de Cervo dando conta da urxencia de acometer estes traballos na Delegación Provincial da Consellería de Cultura confirman que non estudarán outorgar a autorización pertinente ata finais deste mes, de cumprirse os prazos que eles mesmos dan.
Cervo, 9 de abril de 2009.- Un dos paraxes de maior atractivo turístico da nosa comarca non poderá ser visitado nestes días festivos de Semana Santa porque aínda non comezaron as obras de recuperación do Conxunto Histórico Artístico de Sargadelos, gravemente danado como consecuencia dos efectos do temporal Klaus do pasado mes de xaneiro. Desde o Concello de Cervo piden desculpas aos veciños e visitantes que puideran achegarse a este espazo de gran importancia natural e histórica, pois acolle os restos dos primeiros altos fornos do noso país, da antiga fábrica da cerámica de Sargadelos e un itinerario ambiental coñecido como O Paseo dos Namorados.
Desde o Concello de Cervo explican que as razóns desta inaceptable demora no inicio das obras de recuperación do contorno está en causas alleas á vontade do propio Goberno municipal. Máis en concreto, a Consellería de Cultura aínda non outorgou a autorización pertinente para que se desenvolvan as actuacións de recuperación deste espazo e reposición ao seu estado orixinal, antes de que sufrira graves danos polas fortes rachas de vento aparelladas ao temporal Klaus. Árbores arrincadas de raíz, merendeiros e balados rotos e así, un sen fin de estragos que fan un dos espazos de maior beleza da Mariña practicamente intransitable.
SEN AUTORIZACIÓN
Desafortudamente para que o Concello de Cervo poida acometer os traballos de recuperación deste espazo é preciso contar coa autorización de varias administracións: Augas de Galicia e a Dirección Xeral de Patrimonio. Os responsables deste último departamento que depende da Consellería de Cultura, parecen non ter vontade de acelerar o outorgamento deste permiso ,a pesar de que desde o Concello de Cervo se lles remitiu con urxencia un escrito solicitando o devandito permiso e se fixeron as xestións oportunas para requirir a celeridade na concesión desta autorización. Lonxe do que cabía esperar, varios responsables da Delegación da Consellería de Cultura en Lugo confirmaron que, con toda probabilidade, non será ata finais de mes –de cumprise os prazos que eles mesmos manexan- ata cando se reúnan en Cultura para dar o visto e prace á devandita autorización. Un tempo durante o cal as obras non poden comezar e o Conxunto Histórico Artístico non pode ser visitado.
DESIDIA NA XUNTA BIPARTITA
Ata o momento a desidia ten caracterizado a actuación dos actuais responsables da Xunta bipartita con respecto ao arranxo dos estragos de Sargadelos. Se nun primeiro momento alá polo mes de xaneiro o propio Presidente en funcións da Xunta, Emilio Pérez Touriño, amosou o seu compromiso de asumir a través da Consellería de Presidencia o custe de recuperación deste espazo, non foi ata o pasado mes de abril cando, despois de innumerables denuncias do Concello de Cervo, preocupado pola demora no inicio destes traballos, decidira a fórmula de colaborar na recuperación deste espazo: A Consellería de Presidencia asumirá o custe destas obras a través da sinatura dun convenio co Concello de Cervo. Pola súa parte, o Goberno Municipal comprométese a dirixir as obras conforme a un proxecto redactado por TRAGSATEC unha empresa especialista neste tipo de traballos. Como condición previa ao inicio destas actuacións é imprescindible contar coa autorización doutras administracións, como xa adiantamos. Entre elas está a Consellería de Cultura que, dun xeito inaceptable e irresponsable, está a demorar aínda máis o inicio das obras por non outorgar a autorización pertinente.
OBSTÁCULO
Segundo o Concello de Cervo parece máis que evidente que non hai vontade por parte da Xunta de Galicia para levar adiante estas actuacións. Debera terse logrado un compromiso firme xa fai meses e deberan ter actuado con certa urxencia para acelerar os trámites administrativos previos. Non podemos dicir que desde a administración autonómica se actúe como un aliado na recuperación deste espazo e, polo tanto, centos e centos de visitantes que poderían achegarse ata Sargadelos nestes meses o único que tiveron a oportunidade de ver é un espazo cun aspecto desolador. De aí que sigamos, incansablemente, denunciando ante a opinión pública esta situación e reclamando que, na medida do posible, saiban desculpar o seu estado, porque desde o Concello de Cervo fixemos todo o posible, malia que a actual Xunta converteuse nun obstáculo.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
