A coordinación e o consenso entre o PP e os veciños son as liñas de traballo a seguir polo partido local
O Partido Popular de Ribadeo reúnese coas AA.VV. para estudar o traballo a realizar nas diferentes parroquias e coñecer de primeira man as demandas dos veciños
A través destas xuntanzas, os populares procuran tanto resolver dúbidas en relación ás medidas que se están a levar a cabo polas administracións como coñecer as necesidades trasladadas dende o rural e estudar a súa resolución
Tras reunirse cos veciños de Cedofeita e Covelas, membros do PP manterán novas xuntanzas coas asociacións das Anzas, da Devesa e de Piñeira
Os populares procuran traballar ao servizo dos ribadenses en contraposición á actitude propagandística e carente de responsabilidade posta de manifesto polo rexedor nacionalista esta semana
Ribadeo, 14 de novembro de 2012.- O Partido Popular de Ribadeo emprende unhas pautas de traballo caracterizadas polo consenso e a coordinación entre o Partido Popular e as asociacións veciñais da localidade. Para elo, está a manter xuntanzas coas Asociacións Veciñais das distintas parroquias de Ribadeo, tanto para resolver dúbidas en relación ás medidas que se están a levar a cabo polas administracións como para coñecer as demandas trasladadas dende o rural e estudar a resolución dos problemas que lles trasladen.
Esta rolda de contactos iniciouse na parroquia de Cedofeita e continuou o pasado venres en Covelas, onde membros do PP local mantiveron unha reunión coas Asociacións de Veciños das parroquias ribadenses, durante a que recolleron as súas peticións.
Durante todo o mes de novembro, os populares manterán xuntanzas cos veciños de Anzas, da Devesa e de Piñeiro. En concreto, o próximo venres 17, os populares participarán nunha reunión en Anzas; o 24 manterán unha xuntanza coa Asociación Santa Eulalia da Devesa e o 30 coa Asociación de Veciños de Piñeiro.
Política comprometida fronte a propaganda irresponsable
O presidente do PP Local, Jesús López Penabad asegura que a través desta rolda de contactos, os membros do PP municipal procuran recabar as inquietudes e reinvindicacións que se plantean no rural e no casco da localidade e facerse así tamén unha visión conxunta das carencias do municipio.
López Penabad contrapón esta actitude de servicio e compromiso cos ribadenses a través da responsabilidade e do consenso, contra a política propagandística e imprudente que segundo o presidente local está a profesar o rexedor nacionalista da localidade, Fernando Suárez.
O popular manifestase crítico coa ocupación dunha sucursal en Ribadeo por parte de cargos do BNG, entre eles o rexedor local e o vicepresidente da Deputación. López Penabad oponse aos comportamentos e a política de “todo vale para saír na foto”, que soen por de manifesto políticos aos que o popular se referiu como “asaltabarricadas”.
López Penabad esixe unha “política de maiúsculas” que procure solucións, ao tempo que fai referencia aos alcaldes de toda a comunidade, que están a explorar todas as vías legais posibles e dentro das súas reducidas competencias para buscar solucións a problemática dos desafiuzamentos, e non procurando simplemente unha política de “pancarta”.
Mentres, os populares procuran traballar ao servicio dos
ribadenses, co firme propósito de presionar ao goberno nacionalista da
localidade e converterse no apoio dos veciños; López Penabad critica que o alcalde da localidade se adique a ocupar entidades bancarias.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
