O Partido Popular de Mondoñedo atende ás necesidades dos veciños do rural
O PP agradece a Santa María Maior o amplo respaldo electoral de preto do 80% e asesora aos veciños sobre os asuntos de importancia para a parroquia
Membros do PP local mantiveron onte unha xuntanza con veciños de Santa María Maior para tratar asuntos de importancia para o pobo “un dos grandes esquecidos polo equipo de goberno municipal”
A portavoz agradeceu a porcentaxe de apoio de preto do 80% nas eleccións municipais e trasladoulles que a pretensión do seu partido é a de continuar traballando para os mindonienses en consenso cos veciños
Mondoñedo, 15 de novembro de 2012- Membros do Partido Popular de Mondoñedo mantiveron onte unha xuntanza con veciños da parroquia de Santa María Maior para tratar asuntos de importancia para o pobo. A portavoz do PP na localidade, Elena Candia, explicou que a pretensión do seu grupo é dar resposta ás necesidades que lles trasladan dende esta parroquia mindoniense “unha das grandes esquecidas polo equipo de goberno municipal”.
A portavoz popular amósase crítica coa actitude emprendida polo rexedor local. Orlando González, que durante o seu mandato non está a cumprir co seu compromiso de xestor nin está a procurar solucións ás problemáticas nin a dar resposta ás necesidades que lles están a trasladar dende a parroquia de Santa María Maior. Mostra desta deixadez do goberno, a popular recorda os problemas en torno a recollida de vasoira e a falta de colectores que o pobo sufriu durante tempo e máis tendo en conta que nesta anualidade o investimento nesta zona resúmese a cero euros.
Durante a xuntanza, Candia tamén agradeceu aos veciños da parroquia o elevado porcentaxe de apoio que o partido que preside na localidade obtivo durante estas últimas eleccións municipais . En concreto, o 79,50% dos votantes nesta mesa electoral, trasladáronlle o seu respaldo aos populares. A popular pediulle a Orlando González que estes resultados non sexan a base para continuar coa discriminación que está a manter con esta parroquia, xa que para Candia “o deber dun rexedor é gobernar o seu concello e escoitar a todos os seus veciños independentemente das ideas políticas”. “A xestión dos recursos públicos debe disvincularse da politización”, explicou.
Asesorar aos veciños e procurar un contacto directo coas asociacións do rural para ter coñecemento das súas necesidades é a liña de traballo que está a seguir o Partido Popular dende que deu comezo esta lexislatura. Neste senso, a portavoz do PP local reincidiu nesta pretensión de escoitar e atender ás demandas dos veciños no máximo posible e en función das súas posibilidade e responsabilidades municipais.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
