A XUNTA AUTORIZA A POSTA EN MARCHA DUNHA SUBESTACIÓN EN RIBADEO QUE PERMITIRÁ AVANZAR NA MELLORA DA SUBMINISTRACIÓN ELÉCTRICA NA MARIÑA LUGUESA
· A infraestrutura permitirá dar resposta á demanda do novo parque empresarial ribadense
· Consello da Xunta vén de aprobar o proxecto sectorial de incidencia supramunicipal, que inclúe tamén a instalación dunha liña de alta tensión desde o municipio de Trabada
· As actuacións, que serán desenvoltas pola empresa distribuidora E-On, contan cun orzamento de máis de 3,6 millóns de euros
· Plan de Mellora da Calidade da Subministración Eléctrica posto en marcha polo Goberno galego recolle apoios da Xunta por preto de 640.000 euros para esta iniciativa
· Economía e Industria leva destinados desde 2009 máis de 36 millóns de euros a medidas para mellorar a distribución eléctrica co obxectivo de contribuír ao desenvolvemento económico e á mellora das condicións de vida dos cidadáns
O Consello da Xunta vén de aprobar de forma definitiva o proxecto sectorial de incidencia supramunicipal para a posta en marcha dunha subestación eléctrica no municipio lugués de Ribadeo, e que recolle tamén a instalación dunha liña de alta tensión que alimentará esta, co obxectivo de mellorar a rede de distribución eléctrica na zona noroeste da provincia de Lugo e dar resposta ás necesidades de potencia que supoñen os desenvolvementos industriais e de vivenda dos concellos da Mariña. A construción da subestación, que se situará en Folgosa, así como da liña de alta tensión de 132 kV que conectará esta instalación desde Trabada coa liña Doiras-Mondoñedo, correrá a cargo da empresa distribuidora E-ON, titular das instalacións, e conta cun orzamento de máis de 3,6 millóns de euros.
O Plan de mellora da calidade da subministración eléctrica posto en marcha pola Xunta en colaboración con empresas distribuidoras recolle apoios da Consellería de Economía e Industria por preto de 640.000 euros para o desenvolvemento dos proxectos, que darán servizo aos concellos de Barreiros, Trabada e Ribadeo e permitirán atender a demanda do novo parque empresarial ribadense.
En canto ás especificacións técnicas, a liña eléctrica, de 132 kV de tensión nominal, en dobre circuito, terá unha lonxitude de 9.333 metros (470 deles soterrados). No tocante á subestación, de 132/20kV, estará formada basicamente por un sistema en intemperie con tipoloxía de simple barra e dous transformadores de 132/20/12 kV e 40/40/1 MVA de potencia. Esta actuación, que se iniciará unha vez remate o proceso expropiatorio, permitirá continuar avanzando na mellora da calidade da subministración eléctrica, eido ao que a Consellería de Economía e Industria leva destinados máis de 36 millóns de euros desde 2009, tanto en colaboración coas empresas distribuidoras como coas ordes de axudas para o soterramento de infraestruturas eléctricas dirixidas aos concellos, así como con outras actuacións puntuais.
A posta en marcha destas medidas, coas que se contribúe ao desenvolvemento económico de Galicia, así como á integración e ao equilibrio territorial, ten contribuído a unha redución de máis do 50 por cento no tempo de interrupción da subministración con respecto a 2008, así como unha redución de máis do 38 por cento no número de interrupcións. Isto permite que nestes momentos Galicia mellore a media española, a pesar das dificultades orográficas e a dispersión da poboación que presenta a Comunidade.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
