GONZÁLEZ BARCIA REUNÍUSE EN MADRID CO DIRECTOR GENERAL DE CARRETERAS. DO ENCONTRO SAIU CON BOAS SENSACIÓNS E AGARDA OBTER NOVAS POSITIVAS EN BREVE CO OBXECTIVO DE FAVORECER O DESENVOLVEMENTO URBANÍSTICO DE BURELA.
Burela, 15 de novembro de 2012. O alcalde de Burela, José María González Barcia, que se atopa de viaxe en Madrid, mantivo un encontro esta mañá co director general de Carreteras do Ministerio de Fomento. Na xuntanza abordaron cuestións relativas ao PXOM. Barcia dixo que a sensación coa que sae é positiva e agarda que se plasme en breve para favorecer o desenvolvemento urbanístico do concello.
O rexedor explicou que “hoxe pola mañá mantivemos aquí, en Madrid, unha reunión co director general de Carreteras do Ministerio de Fomento, Jorge Urrecho, para ver algunhas cuestións vinculadas con Burela e nese sentido as sensacións que teño percibido neste encontro son moi positivas. Seguramente que en próximos días estas sensacións se van plasmar tal e como nosoutros para favorecer, evidentemente, o desenvolvemento urbanístico do noso concello”.
González Barcia indicou que “unha cuestión da que falamos foi sobre o informe que o Ministerio de Fomento, a través da Dirección General de Carreteras, ten que emitir sobre a aprobación inicial do plan xeral de ordenación municipal. Neste asunto é moi probable que nos próximos días haxa noticias e insisto en que as sensacións son boas”.
Outro dos asuntos abordados no encontro desta mañá na Dirección General de Carreteras foi a cesión das dúas vías de servizo do que se considera a actual variante de Burela: a que vai desde a raqueta do hospital cara a zona do Torno e a que vai desde o mesmo lugar e que pasa pola parte darriba do Perdouro ata a Areoura. O alcalde sinalou que “estas dúas vías de servizo consideramos que son fundamentais e imprescindibles para o futuro desenvolvemento urbanístico do noso concello e, por suposto, tamén vamos esperar a que Fomento faga o informe sobre o noso plan xeral”.
José María González Barcia lembrou que “no seu día Fomento, cando era ministro José Blanco (do Partido Socialista), tiña emitido un informe desfavorable sobre o documento inicial do plan xeral de ordenación municipal. Por culpa dese informe desfavorable nosoutros vímonos na obriga de debuxar no plan xeral, que sometimos a aprobación inicial, o trazado da autovía Barreiros-San Ciprián tal e como se reflectía no estudio informativo que fixo no seu momento o Ministerio de Fomento por aquel entonces presidido por José Blanco”. O rexedor insistiu en que “ese informe estivo durmindo nun caixón durante un tempo ata que nos enteramos de que existía e foi un condicionante importante, pero non moi positivo que digamos, para a elaboración do plan xeral”.
O alcalde manifestou que saiu desta reunión con moi boas sensacións “e vamos esperar que nos próximos días se plasmen nas realidades que eu e todos agardamos”.
González Barcia manterá unha xuntanza esta tarde co director general de Marina Mercante.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
