Novo éxito de público na segunda das xornadas de formación para o emprego organizadas pola Deputación de Lugo
– Gran acollida de “Formación para o emprego”, a 2ª das sesións coas que se pecha o I Pacto Provincial polo Emprego. Ó remate do acto, Gómez Besteiro entregou os diplomas ós participantes renovando o interese acadado na celebrada a pasada semana
– Esta xornada reeditarase mañá e pasado nas localidades de Monforte de Lemos e Viveiro. Os interesados en participar aínda poden inscribirse a través da web www.deputacionlugo.org
A Deputación de Lugo celebrou esta mañá a segunda das xornadas de peche do I Pacto Provincial polo Emprego, programa impulsado para fomentar a inserción laboral na provincia que, cun 80% de financiamento con fondos europeos, permitiu a creación de máis de 100 postos de traballo en xacementos de emprego da provincia. Isto foi posible coa formación teórica e as prácticas laborais ás que, a custe cero, puideron acceder centos de desempregados lucenses.
Hoxe foi a quenda de Isabel Villamor, experta en proxectos europeos e xestión de cooperativas e Pemes, quen quixo transmitir unha mensaxe de optimismo, destacando que “as persoas que atopan traballo non son as máis cualificadas, senón aquelas que máis e mellor se aplican en buscalo”. Así mesmo, ofreceu as fórmulas necesarias para atopar atopar traballo, que pasan pola “adaptación, planificación e motivación”. Con respecto ó autoemprego, Villamor animou ós presentes a tomar a iniciativa, xa que “só triunfa quen se levanta e procura as oportunidades, creándoas se non as atopa”. Tras a ponencia chegou o momento de compartir impresións sobre o desenvolvemento deste programa provincial de emprego, durante a mesa redonda que moderou o xornalista Javier Rivera e que reuniu a representantes de Cogami, Cruz Vermella e Fundación Laboral da Construción, que foron algunhas das empresas encargadas de impartir a formación durante o Pacto.
Ó remate das ponencias, o Presidente da Deputación, José Ramón Gómez Besteiro, fixo entrega dos diplomas acreditativos ós participantes do Pacto provincial da zona centro. O máximo responsable provincial destacou que dende a entidade que el preside continuarase impulsando políticas de emprego, destinando a tal fin 7,5 millóns de euros o vindeiro ano. Precisamente destes 7,5 millóns, 3 e medio corresponden a unha nova fase do Pacto Provincial polo Emprego, “que foi o proxecto que acadou máis financiamento europeo en todas as administracións de Galicia”, tal e como destacou Gómez Besteiro.
Mañá e pasado en Monforte e Viveiro
Esta mesma xornada reeditarase mañá e pasado na zona sur da provincia e na Mariña, respectivamente. En concreto, serán as localidades de Monforte e Viveiro as que acollerán, a partires das 10:30 horas, tanto a intervención da experta así coma o mesa redonda. Igualmente, ó remate da xornada, o Presidente da Deputación fará entrega dos diplomas acreditativos ós participantes que tomaron parte nesta primeira fase do Pacto.
Aínda restan algunhas prazas dispoñibles para os interesados, que tan só deberán cumprimentar o formulario de inscrición que poderán atopar, xunto con toda a información necesaria en www.deputacionlugo.org
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
