Tania González renuncia á súa acta de concelleira por motivos laborais
-A edil recoñeceu que marchar do goberno e da corporación foi unha decisión moi difícil que tivo que tomar “por responsabilidade”
-O rexedor manifestou o seu respecto pola opción de González e destacou o seu valor e a súa determinación
Cervo, 3 de decembro de 2012-O pleno da corporación que se celebrará este mércores (19:00 horas) tomará coñecemento da renuncia de Tania González ás súas competencias de goberno e á súa acta de concelleira. A edil, que ata o de agora ocupaba as áreas de Facenda e Xuventude, explicou que a súa marcha débese á “dificultade para compatibilizar as tarefas de goberno co meu traballo na empresa privada”, aínda que recoñeceu que a decisión tomada “foi moi difícil, estivo moi sopesada e baseada na responsabilidade”. González asegurou que lamenta “ter que deixar a corporación e o goberno, unha experiencia que lembrarei sempre como unha etapa construtiva e frutífera e onde agardo seguir tendo bos amigos”.
O alcalde de Cervo, Alfonso Villares asegurou aceptar a renuncia: “Respecto a decisión da miña compañeira xa que os seus motivos laborais son máis que comprensibles”. O rexedor tamén manifestou o seu desexo de que “ese respecto e esa comprensión que mantemos todo o grupo de goberno se faga extensible a toda a corporación, que ben seguro entenderá os motivos de Tania para abandonar o seu posto”.
Villares tamén quixo facer público o seu “agradecemento á edil polo seu traballo como concelleira e a súa boa disposición e dilixencia ao fronte da súa delegación” ao mesmo tempo que destacou o seu “valor e forza para tomar unha decisión tan relevante para o seu futuro profesional, que agardo sexa moi produtivo”.
Agora, o posto deixado por Tania González será ocupado pola seguinte persoa da candidatura, neste caso Luis Antonio Guillén Menéndez. Unha vez que o pleno tome coñecemento desta renuncia, o Concello enviará certificación do acordo á Xunta Electoral incluíndo o nome do seguinte candidato ao que lle corresponde cubrir o posto. Despois, a mesma Xunta Electoral expedirá a credencial do novo edil, unha notificación da que se dará conta de novo nun pleno no que Guillén tamén poderá tomar posesión da súa acta de concelleiro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
