Dende a Comisión Executiva do PSdG-PSOE de Burela sempre fomos da idea que “rectificar é de sabios”, dicimos isto en referencia á noticia que nestes días pasados aparecía nos medios con respecto a que o Concello de Burela tiña decidido contratar o alumeado de Nadal para estas próximas datas do Nadal. Dende o PSdG-PSOE de Burela entendemos que todas aquelas medidas que se tomen dende o Concello a favor do comercio do pobo son unha inversión no mesmo, por isto non nos doen prendas en dicir que este tipo de iniciativas, como sempre defendimos, son positivas e necesarias.
Entendendo que o equipo de goberno comeza a facer caso á oposición naquelas suxerencias que entendemos son boas para todos os veciños de veciñas de Burela, imos a darlle novas ideas para que as leve a cabo á maior brevidade posible:
1º.- Redución de unha das adicacións exclusivas do equipo de goberno.
2º.- Redución dos cartos destinados a dietas e desprazamentos, e de todos aqueles gastos improdutivos que se están a facer dende o equipo de goberno, como por exemplo un estudo enerxético no que se gastaron 18.400 euros (máis de 3.000.000 das antigas pesetas) do que aínda non houbo quen informara dos resultados do mesmo e o aforro que se vai a conseguir. Esperemos que o aforro que consiga sexa superior ó gasto no estudio, e que non nos deixe aínda máis as escuras do que estamos, para facer iso non fai falla gastar máis de tres millóns de pesetas nun estudio enerxético.
3º.- Redución da partida de telefonía do Concello que a todas luces nos parece máis que desproporcionada, non podemos entender como nos tempos que corren o Concello poida permitirse o luxo de gastar máis de 56.000 euros ( máis de 9.000.000 de pesetas) en teléfono.
Con todas estas medidas estamos convencidos que poderíamos dar axudas económicas a asociacións e clubs deportivos, e iluminar as nosas rúas, que máis aló de que con tan pouca iluminación de a impresión de estar nun pobo fantasma, en calquera momento, e ogallá non pase, imos a ter unha desgraza por culpa da mala visibilidade. Ademais de outras inversións en servizos sociais e para creación de emprego, que tanta falta fai.
Esperamos que estas propostas teñan tidas en conta polo equipo de goberno, e voltamos a poñernos a disposición do equipo de goberno cando queira falar de iniciativas que sexan boas para os nosos veciños e veciñas. Sempre nos terá para apoialas e consensualas, invitando deste xeito ó equipo de goberno de Burela a abandonar a súa maneira ditatorial e falta de diálogo maneira de facer política sen ter en conta para nada á oposición.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
