Coa denominación ASOCIACIÓN DE MULLERES EN IGUALDADE DE BURELA (BUMEI) constitúese en Burela (Lugo), o día 20 de setembro de 2012, unha organización de natureza asociativa e sen ánimo de lucro e con ámbito territorial de acción en toda a provincia de Lugo.
A xunta directiva está formada por 8 mulleres:
PRESIDENTA: Mª DEL MAR FRAGA FERNÁNDEZ
VICEPRESIDENTA: JOSEFA YÁÑEZ CAO
SECRETARIA: NATALIA PIÑEIRO PÉREZ
TESOUREIRA: BLANCA FERNÁNDEZ BAEZA
VOCAIS: Mª AMADA PALMEIRO LÓPEZ, OLIVA CABANAS DOMÍNGUEZ, JENNYFFER OTERO FRAGA E DIANA DURÁN GARCÍA
Son fins principais da asociación:
Conseguir que os dereitos civís recoñecidos pola Constitución de 1978 (art. 9.2) ás mulleres, sexan realmente exercidos como tarefa prioritaria do noso concello.
Promover a igualdade de xénero entre as mulleres.
Realizar accións de prevención da violencia de xénero dirixidas á poboación en xeral.
Desenvolver actividades de información para as mulleres (publicacións, seminarios, folletos, accións audiovisuais, encontros co outras asociacións, etc.) e adaptalas en función da evolución das súas necesidades.
Realizar accións de acollemento, información, orientación e asesoramento dirixidas a mulleres con necesidades específicas: inmigrantes, maiores, discapacitadas, etc.
Desenvolver campañas e actividades informativas e de sensibilización sobre aspectos de muller.
Elaborar campañas socioeducativas baseadas na igualdade e no respecto intercultural dirixidas á xuventude e infancia.
Desenvolver actividades de formación e aquelas encamiñadas a promover a plena igualdade entre mulleres e homes
Levar a cabo contactos e intercambios con outras entidades que traballen para acadar os mesmos obxectivos.
Colaborar con iniciativas ou campañas que promovan a paz, a solidariedade e a cooperación entre persoas e pobos.
Fomentar a conciliación da vida laboral e familiar.
Para levar a cabo os seus fins, poderá a asociación organizar as seguintes actividades:
Acollemento, información, orientación e asesoramento á muller, así como ao resto de persoas que precisen información sobre igualdade de xénero.
Accións de sensibilización e promoción da igualdade entre mulleres e homes.
Accións que fomenten a solidariedade e cooperación.
Encontros con outras asociacións/entidades que promovan o mesmo fin.
Actividades/programas dirixidos a favorecer a conciliación laboral e familiar.
Convivencias con outros colectivos/asociacións de mulleres para favorecer as súas habilidades e competencias.
Talleres de autoestima e desenvolvemento persoal para mulleres.
Calquera outra actividade que respecte e responda ao obxecto da asociación.
A xunta directiva arranca con forza e con moitas ganas de traballar, xa que nestes tres escasos meses de vida da asociación foron capaces de poñer en marcha 4 grandes proxectos: banco de alimentos, roupeiro, banco bebé (xoguetes, roupa ou calquera artigo de puericultura) e banco maiores (axudas técnicas, pañais, ou calquera producto para o coidado das persoas maiores).
A xunta directiva agradece o apoio do Concello de Burela e, por suposto, a todas aquelas mulleres que se están unindo como asociadas, xa que sen o seu apoio voluntario todos estes proxectos carecen de sentido.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
