Os populares teñen un proxecto para Mondoñedo
O PP di que o goberno local perdeu cinco anos na posta en valor do turismo municipal e agora estase no momento de traballar xuntos e propoñer alternativas
A portavoz popular asegura que a situación sen precedentes que está a sufrir a localidade pide con urxencia o consenso, a suma de ideas e o traballo conxunto
Candia alégrase de que a reunión mantida con afectados polo sector turístico servise para coñecer o que está a facer o equipo de goberno local e lamenta que a falta de información dificulte sumar as ideas e traballar conxuntamente
A popular segue a reiterar a falta de compromiso e a carencia de ideas do bipartito para dinamizar a localidade e asegura que dispuxo de cinco anos para darlle forma ao plan no que din estar a traballar e do que os populares non tiñan constancia, pese a ser públicas as actuacións que dende a oposición están a promover neste senso
Os populares seguen a reiterar a vontade de dialogo cos veciños para seguir traballando nas iniciativas presentadas e que continúan a sumar apoios de hostaleiros, empresas privadas e particulares
Mondoñedo, 13 decembro de 2012.- O Partido Popular de Mondoñedo denuncia que o goberno municipal perdeu cinco anos para a posta en valor do turismo local e aseguran que agora coas declaracións nos medios o goberno local parece que se están a xustificar. A portavoz popular Elena Candia asegura que o seu partido ten un proxecto para a localidade e que o equipo de goberno non se pode molestar porque está a levar a cabo a súa función como oposición; senón que a situación sen precedentes que está a sufrir localidade pide con urxencia o consenso, a suma de ideas e o traballo conxunto.
Candia alégrase de que a reunión mantida o martes con hostaleiros, empresas privadas e veciños para informar sobre o proxecto que o PP local ten para a localidade en materia turística, servise para coñecer o que está a facer o equipo de goberno local. A portavoz popular explica que o partido traballa nun proxecto que consensúa coas veciños e pídelle polo tanto a Fernández Haro, ao que se refiren como o alcalde de feito, que “abandone a súa furna de cristal, pise a terra e dialogue cos veciños”. Os populares non teñen constancia de que as persoas que viven do sector turístico na localidade estivesen informadas sobre este plan de desenvolvemento turístico, que o bipartito asegura que presentarán en xaneiro. Candia lembra as modificacións propostas en materia de tráfico polo goberno local sen consensuar cos veciños e que logo foi necesaria a recollida de firmas para cambiala.
A popular segue a reiterar polo tanto a falta de compromiso e de procura de consenso do bipartito cos veciños, ao tempo que aseguran dende o PP que o goberno bipartito dispuxo de cinco anos para darlle forma ao plan no que din estar a traballar. Así mesmo, a popular xa amosou en varias ocasións a súa pretensión de traballo para conseguir a implicación do goberno local, “dado que hai determinadas actuacións que só eles poden facer”, polo que lamenta non ter información para traballar conxuntamente.
Pola súa banda os populares seguen a reiterar a vontade de dialogo cos veciños para seguir traballando nas iniciativas presentadas e que continúan a sumar apoios de hostaleiros, empresas privadas e particulares.
PARTIDO POPULAR
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
