O CONCELLO REALIZOU XA O ÚLTIMO TRÁMITE PARA QUE SE LEVE ADIANTE A CONSTRUCCIÓN DO EMISARIO DA NOVA DEPURADORA DE AUGAS RESIDUAIS. SUÁREZ BARCIA DI QUE “AGORA TODO ESTÁ EN MANS DE AUGAS DE GALICIA PARA QUE O PROXECTO SE EXECUTE”.
Ribadeo, 14 de decembro de 2012. O Concello realizou xa o último trámite para que se leve adiante a construcción do emisario da nova depuradora de augas residuais. Segundo o alcalde, Fernando Suárez, “agora todo está en mans de Augas de Galicia para que o proxecto se execute”.
O rexedor sinalou que “con esta depuradora de augas residuais tan moderna e tan boa que temos en Ribadeo funcionando xa desde hai un ano e medio máis ou menos aínda que toda ela funciona ben na súa integridade fáltalle unha parte do proxecto por executar, que é precisamente o emisario. É unha condución que se interna varios centos de metros en mar aberto. Creo que por problemas entre Augas de Galicia e o Ministerio de Medio Ambiente isto non pode ir adiante”.
Suárez Barcia indicou que “finalmente hai unha serie de condicionantes por parte do Ministerio, que son aceptadas. Por parte do Concello de Ribadeo había un último trámite, que foi evacuado hai moi pouquiños días. Polo tanto agora xa está todo en mans de Augas de Galicia, é dicir da propia Xunta, para que se leve adiante dunha vez por todas este emisario, que para nada vai mellorar as condicións de vertido, que xa son ás que a día de hoxe están indo ao mar en moi boas condicións. Pero o emisario é por si nalgún momento hai unha rotura ou unha parálise na planta non vaia o vertido ao río de Vilaselán senón que se interne en mar aberto a moita distancia”.
Desde o goberno municipal entenden que “estas obras se executarán aló pola primavera, porque é cando se permite facer iso e hai que recordar que as obras terán un importe duns 600.000 euros, segundo figura no proxecto, dado que o emisario responde a tódolos parámetros da normativa máis moderna e polo tanto é unha inversión importante”.
O alcalde insistiu en que “no referido ao Concello de Ribadeo evacuamos que había pendentes nada máis que no lo requiriron e polo tanto agora queda o asunto en mans de Augas de Galicia para que o execute e esperemos que quede tan ben feito como a depuradora municipal de Ribadeo para a que o Concello expropiou os terreos e Augas de Galicia, a través do canon de saneamento, executou a depuradora coa que Ribadeo é punteiro con respecto a outros concellos da comarca, tanto galega como asturiana”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
