O BNG DA MARIÑA APOIA AS MOBILIZACIÓNS CONVOCADAS POR ALIANZA SOCIAL GALEGA PARA MAÑÁ EN CONTRA DAS POLÍTICAS ANTISOCIAIS DO PP
Antonio Veiga denuncia que o PP goberna de acordo as súas teses ideolóxicas alleo á realidade do país
Dende a organización nacionalista insisten na importancia de que os cidadáns continúen dando unha resposta unánime contra o xeito de gobernar de Rajoy e Feijóo que so pensan nos ricos
A Mariña, 19 de decembro de 2012. O Bloque Nacionalista Galego (BNG) da Mariña apoia as mobilizacións convocadas para mañá, xoves 20 de decembro, por Alianza Social Galega para amosar o rexeitamento dos galegos e das galegas ás nefastas políticas antisociais do Partido Popular. Así o manifestou o responsábel comarcal da formación esta mañá, Antonio Veiga, quen denunciou que “as medidas que está adoptando o Goberno do Estado e a Xunta de Galiza responden a criterios puramente ideolóxicos sen ter en conta a realidade que atravesa o país.”
“O Partido Popular -continuou Veiga- está amosando a súa faceta máis reaccionaria coa aprobación de medidas que crean unha educación e unha sanidade excluíntes e selectivas deseñadas para os colectivos con máis recursos económicos. De continuar con esta política de recortes en todos os eidos que garanten o benestar dos cidadáns e que deberan servir como estímulo económico, a economía seguirase contraendo e seguiremos afondando nunha espiral da que custará décadas saír. Rajoy fai recortes en sanidade , educación e políticas sociais para controlar o déficit e este continúa subindo dende a súa chegada ao Goberno.”
Dende a formación nacionalistas claman a importancia de que a toda a sociedade dea unha resposta unánime as políticas antisociais que crean máis paro e máis pobreza e chaman a todos os mariñáns a participar nas concentracións e mobilizacións previstas para mañá. “Dado que o Partido Popular vive alleo á realidade, desoe as demandas dos cidadáns e négase a apoiar iniciativas lexislativas populares o único que nos queda é seguir saíndo á rúa para protestar” – concluíu o responsábel comarcal, quen asistirá á concentración prevista en Burela para as 20:00 horas, na praza das Mariñas.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
