A Plataforma na Defensa da Sanidade Pública da Mariña lamenta a negativa do PP a blindar o servizo sanitario público como demandaba a ILP debatida onte no Parlamento Galego.
O PP deulle onte unha patada na boca aos mais de 45.000 galegos e galegas que apoiaron coas súas sinaturas a Iniciativa Lexislativa Popular en defensa da sanidade pública.
A Plataforma mariña anuncia que non cesará nas súas demandas e seguirá activa denunciando a degradación do servizo sanitario público na comarca mariñá.
A Mariña, 19 de decembro de 2012. A Plataforma na Defensa da Sanidade Pública da Mariña que estivo presente con varios representantes dentro e fora do Hórreo lamentou a negativa do Partido Popular a apoiar a Iniciativa Lexislativa Popular debatida onte no Parlamento Galego e agradeceu o apoio dos grupos da oposición, PSdeG, BNG e AGE, que souberon sumarse a unha demanda avalada por mais de 45.000 galegos e galegas, moitos deles mariñáns. A Plataforma anunciou que seguirá activa e que este revés do PP non fará calar a loita polo dereito a ter unha sanidade pública de calidade, universal e gratuíta xa que a crise non pode ser escusa para desmantelar un dereito adquirido previo pago das cotizacións sociais e medidas impositivas que todos e todos e todas aportamos ao sistema.
A Plataforma criticou que o PP trata de impoñer coa escusa da crise un modelo sanitario onde se exclúe á xente con menor poder adquisitivo, un modelo onde quen non conta con recursos económicos queda relegado a unha sanidade de beneficencia.
Para a Plataforma as medidas que está a adoptar o PP no goberno galego van encamiñadas a botar fora do sistema sanitario público ás capas sociais mais desfavorecidas, cebándose especialmente coas persoas maiores e portadoras de enfermidades crónicas que teñen que pagar do seu peto parte dos seus tratamentos. Mediante esta política depredadora de dereitos gañados o PP vai degradando o sistema sanitario público para favorecer a determinados lobbies económicos e sanitarios dos que forman parte persoas afíns ao Partido Popular.
A Plataforma na Defensa da Sanidade Pública da Mariña anunciou que este golpe do PP non fará que deamos un paso atrás, mais ben ao contrario seguiremos golpeando na mala conciencia daqueles que, unha e outra vez, tratan de demoler un servizo sanitario que debe seguir sendo de calidade, universal e gratuíto. Neste sentido avanzaron que estarán presentes na concentración convocada pola Alianza Social Galega da que formamos parte o próximo xoves día 20 ás 20:00 na Praza da Mariña de Burela
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
