A Deputación tramitou máis de 100 obras nos Concellos nun tempo récord de dous meses
– Son 110 melloras de prestacións públicas nas zonas rurais de municipios de todas as cores políticas, executadas co Plan de Comunidades Veciñais e financiadas pola institución
– O organismo acondicionará as rúas Rosalía de Castro e Parque, na Fonsagrada, con obras de 93.000 euros, que complementan os traballos de construción do novo Consistorio
– A Xunta de Goberno inicia a contratación da vixilancia das dependencias provinciais, cun aforro inicial dun 20%, que se suma a redución de custes correntes do servizo de limpeza
O voceiro provincial socialista, Manuel Martínez, avanzou hoxe que a Deputación tramitou o 50% das obras do Plan de Comunidades Veciñais para 2012 nun tempo récord de tan só 2 meses. Son 110 actuacións municipais, que consistiron, principalmente, en melloras de traídas de auga, acondicionamentos de accesos rurais ou arranxos de dotacións públicas. Trátanse de traballos executados en Concellos lugueses de todas as cores políticas, financiados ó 100% pola institución mediante dito proxecto, que foi aprobado en outubro, cun orzamento de 2 millóns de euros para un total de 233 obras.
Precisamente, a Xunta de Goberno deste venres aprobou as contas xustificativas doutras 14 obras deste Plan, levadas a cabo en Becerreá, Begonte, Cospeito, Foz, Monterroso, Ourol, Sarria e O Valadouro. A Deputación achegou a estas actuacións 105.000 euros. Martínez salientou que “a diferencia do que ocorre hoxe con este Goberno Provincial, o Partido Popular deixou sen tramitar obras de ata o ano 2003, bloqueando a execución de melloras nas prestacións públicas dos veciños do rural lugués”.
A institución provincial tamén mellorará as prestacións públicas nas rúas Rosalía de Castro e Parque, no Concello da Fonsagrada. A sesión acordou achegar ó municipio fonsagradino 93.000 euros para a realización destes traballos, que complementan, explicou o voceiro, as obras de construción do novo Consistorio, que tamén financia na súa totalidade a Deputación, con 850.000 euros.
Aforro de custes correntes
A Xunta de Goberno aprobou iniciar os procesos de contratación dos servizos de vixilancia do Pazo de San Marcos, o Pazo de Deportes, a Rede Museística e o Fogar de Santa María, rebaixando o prezo destas prestacións nun 20%. Neste senso, a sesión tamén aprobou non facer unha nova contratación para a limpeza do Museo de San Paio de Narla, Museo de Tor e o Fogar de Santa María, aforrando 30.000 euros, porque a Deputación está a tramitar a adxudicación deste servizo de xeito conxunto, é dicir, para todas as dependencias provinciais, reducindo custes correntes.
Por outra banda, o organismo provincial aprobou conceder unha subvención de 30.000 euros co fin de colaborar co desenvolvemento das actividades que promove na provincia a Confederación Galega de Persoas con Discapacidade (COGAMI).
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
