Cervo entrega os cheques das axudas ao transporte cos que reparte 1.800 euros entre 12 beneficiarios
-Cada estudante recibe 150 euros como complemento para os gastos de transporte
-A Coruña, Santiago, Viveiro e Burela son as cidades e localidades nas que estudan moitos dos receptores da axuda
Cervo, 26 de decembro de 2012-O alcalde de Cervo, Alfonso Villares e a edil de Educación, Pilar Armada, entregaron hoxe os cheques das subvencións ao transporte escolar correspondentes ao curso 2011-2012 destinadas a cervenses que cursan estudos fóra do municipio. En total, o Concello repartiu 1.800 euros entre 12 alumnos. Cada un deles recibiu un pagamento único de 150 euros que ten como obxectivo axudar a sufragar os gastos de desprazamento ás vilas ou cidades nas que estudan.
Nesta convocatoria, os destinos principais dos estudantes beneficiarios son cidades galegas como Santiago ou A Coruña, así como as vilas mariñás de Viveiro, Ribadeo e Burela. Tamén existe un caso dunha alumna que estuda na cidade valenciana de Alcoi. En canto aos estudos, están repartidos case a partes iguais entre ciclos superiores e graos universitarios, aínda que tamén hai un caso dun alumno que cursa Bacharelato de Artes.
Esta é unha achega complementaria para os fogares cervenses que está financiada ao 100% con fondos municipais e que conta cunha partida propia nos presupostos. Unha subvención que segue a liña doutras axudas que outorga a administración local no eido escolar, como as achegas para a adquisición de libros e material escolar ou ás entidades educativas.
Este é o terceiro ano no que o Concello reparte esta subvención, que está destinada a aqueles alumnos cervenses que saen fóra do concello a estudar ensinanzas postobrigatorias ou superiores, sempre que eses estudos non se atopen entre a oferta educativa do municipio e se impartan en centros sustentados con fondos públicos.
En concreto, na convocatoria incluíase Bacharelato na modalidade de artes, Formación Profesional de grao medio e superior, ensinanzas profesionais de artes plásticas e deseño de grao medio e superior, ensinanzas deportivas de grao medio e superior, ensinanzas universitarias, artísticas superiores ou impartidas en conservatorios de música.
“Para nós, dende o Concello, é unha satisfacción poder seguir entregando estas axudas para, dalgún xeito, contribuír con esas familias que fan un esforzo para que os seus fillos poidan continuar os seus estudos” explica a edil, Pilar Armada. “Nesta ocasión benefícianse máis dunha decena de familias, pero agardamos que nas seguintes convocatorias se acollan máis beneficiarios para poder repartir un maior número de cheques entre os estudantes que cumpran todos os requisitos”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
