Dada a reestruturación que se está a estudar no mapa de emerxencias da provincia
O PP local insta ao alcalde a que actúe de xeito inmediato e emprenda os contactos necesarios coa Deputación, coa Xunta e coa Fegamp para que Mondoñedo non se vexa afectado e garantir así a continuidade do Grumir na localidade
Visto que a modificación no mapa de emerxencias conleva a supresión de varios Grumir; o Partido Popular rexistra unha moción para que Orlando González emprenda dende xa as xestións necesarias para evitar calquera posibilidade de que Mondoñedo se chegue a converter nun dos concellos afectados
En concreto, os populares solicitan ao goberno municipal a que faga as xestións necesarias coa Xunta de Galicia, a Deputación de Lugo e a Fegamp para que continúe o servizo de Grumir no Concello de Mondoñedo
Dada a importancia deste servizo, os populares úrxenlle a Orlando González unha actitude activa asumindo as súas competencias como rexedor local
Mondoñedo, 17 de xaneiro de 2012- Dada a reestruturación que se está a estudar no mapa de emerxencias da provincia, que conlevará a supresión de efectivos de Grumir e ante calquera posibilidade de que Mondoñedo se poda ver afectado; O Partido Popular de Mondoñedo adiantase e rexistra unha moción para o seu debate na próxima sesión plenaria na que instan ao rexedor local a que actúe de maneira inmediata e faga as xestións necesarias cos entes responsables de emerxencias (Xunta de Galicia, Deputación de Lugo e a Fegamp) para que o servizo do Grumir continúe en Mondoñedo.
Os populares explican que coa entrada en funcionamento de novos parques de bombeiros na provincia producirase unha profunda reestruturación do mapa de emerxencia na provincia de Lugo, conlevando a eliminación de varios Grupos Municipais de Intervención Rápida.
Temerosos de que esta reforma poda chegar a afectar ao concello de Mondoñedo, os populares esíxenlle ao rexedor local que, asumindo as súas competencias, actúe dun xeito inmediato e eficaz, e emprenda contactos coas administracións responsables de emerxencias para ter a garantía de que no concello de Mondoñedo continuará o servizo de Grumir.
Dada a importancia da dotación do servizo do Grumir para Mondoñedo, que garante a seguridade cidadá e a atención en caso de emerxencias, dando o seu apoio a protección civil; o Grupo Municipal do PP de Mondoñedo rexistrou de maneira inmediata unha moción para que o rexedor local cumpra coas súas competencias e amose unha actitude activa ante esta situación.
A solicitude desta xestión por parte do Grupo Municipal Popular faise se cabe máis necesaria, tendo en conta que, pese as peticións reiteradas do Grupo Municipal do PP de Mondoñedo, este concello non conta cun plan de emerxencias, vital dada as características intrínsecas da localidade. Un exemplo, segundo os populares, que pon de manifesto a deixadez de funcións do rexedor local.
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
Estes servizos sumaranse aos que xa permanecen abertos habitualmente, como os do parque Pernas Peón. O Día das Tortillas, que se celebra o domingo anterior ao Domingo de Ramos, reúne cada ano a veciños e visitantes en varios espazos do municipio. Con esta medida, o Concello busca facilitar o desfrute da xornada e mellorar a comodidade das persoas asistentes. Desde o Concello de Viveiro lémbrase tamén a importancia de facer un uso responsable das instalacións públicas, de manter limpos os espazos naturais e de respectar as n
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
